گاز دەرکەت

ئه‌ڤرۆ نيوز:

د بێژن ژ زکێ بیرا

زێرێ رەش تێ
سەرەکانیێن پەترۆلێ
دگەھن بەحەشتێ
گاز دەرکەت، مەگۆ
ئێدی ژ پەقدەستێن کەدکەرا
دۆلار دێ زێن
ژ کاشخانێن ھەژاران
زێر دێ وەرییێن
گاز دەرکەت، مەگۆ
ئەڤ پەترۆلە رەشە گورزەکە
دێ دبن گوھێ گدی بابا وەرینین
ئەڤ پەترۆلە تۆڤە لەشکەرەکە
دێ تالانا پێ زڤرینین
کلیلەکە ھەمی دەر پێ ڤەدبن
شەرابەکە شەھید پێ زیندی و ساخ دبن
********
گاز دەرکەت

ئەڤ دێوێ رەش ب سەر ئەرد کەت
مەژیێ مە وەک خوە ڕەش کر
ئاگر د خەباتا مە کر
سیخوڕ کرنە شەھید
ترسنۆک کرنە خوەش مێر و عەگد
مێر ب دەستێن مە دانە کوشتن
ژن ب دیلکێ مە دانە رەڤاندن
مونیکا کرنە شەکال دپێ خوەفرۆشان
دۆلار ب گۆپالان ھەشاندنە
پاخلێن خوەفرۆشان
دزا ژ دزان دزی
کوردستان تێکدە لەرزی
کاروان ھێلا ب نیڤا رێڤە
ھندی گاز بکەی کیڤە کوردۆ
کۆرە، کەڕە، لالە کوردۆ
دویڤ کونا بۆڕیا گازێ ڤە
********
گاز دەرکەت
ئەز د ترسم
ژ بیران بیر بزێن
خەباتکەران داعویرن
ھەژاران بخوەن ڤەکێن
ئەز دترسم ،
ستێرکا کوردینیێ ل مە برژیت
رۆژا دەولەتبوونا مە ب غەیریت
ئەنفال بوویان دیسا ئەنفال بکەت
ئاگری د کولکێن شەھیدان ھەل بکەت
ئەز دترسم ،
سەر بێدەرا گاز ڤەوژێران
ل سەر ھافڕێ پەترۆل و زێران
دیسا برا برای بکوژیت
دیسا خوین ژ جێھنیکا کوردۆی برژیت
چونکو ئەڤ دێوێ ڕەش
ئەڤ بیرێن گەلالیش بەش
وەلیان دکەن خوەلی
خوەلیان دکەن وەلی
مللەت خوە پێ دسۆژن
ھەڤدو پێ ڤەدروژن
چونکو ئەڤ گازا ڕەش
ئەڤ بیرێن گەلالیش بەش
ئینسانان دکەنە ھۆڤ
خانیکێن شەھیدان
ھەر دھێلیت ئاخیر و گۆڤ

شه‌عبان سلێمان
10/2/2014

کۆمێنتا تە