گاڤا تو ژ من د قەتی
گولژین كایا
دەم د سەكنە
ئەڤین سێوی د مینن
پرس بێ بەرسڤ د مینن
ل سەر زمانێ نەڤەگەڕ
پەیڤ خەلاس دبن
چو واتا هێسران نامینە
٭٭٭٭٭٭٭٭٭٭
دەما تو دچی
خەیال د خەندقن
د ناڤ تەنێبوونێ دە
دل دكالە هێلینا خوە نابینە
حەزكرن دشكێ
چو شەوق لێ نامینە
تەنێ كەنێ د ناڤبەرا لێڤێن مە
یێن قەلسی د مینە
د ڤەگەڕا تە یا نە دیار دە
٭٭٭٭٭
دەما تو ژ من دوور دكەڤی
تەنێ ستارگەها من دبە هێڤی
هەستێن من ئێن شكەستی د حەركن
د شۆپا تە دە
وندا دبن د ناڤ كووراهیا
كەسەران دە
٭٭٭٭٭٭٭٭٭٭٭
دەما تو خاتر دخوازی
دەر دۆر ل من تەنگ دبە
بێهن د قەفەسا سینگێ من دە
د مینە
لاش د جەمدە گیان دحەركە ژی
من
تەنێ شۆپا ئاورێن تە
یێن هەری داوی د مینن
ل سەر ڕوویێ منێ خەمگین..
