گاڤەک
جۆتیار بانی
گاڤا ڕۆژ غەوارە دبیت
پنییەکا ڕەش دهێت
هەمی ئەسمانی دادپۆشیت
چریسکەکا هێڤییان دەردکەڤیت
خەملەکا گەش شەڤێ دگریت
ل وێ دەمێ..
ئەز پلانا دیتنا تە
ژبۆ ڕۆژا پاشتر
ب هێڤییا هاتنا تە
ل سەر پەڕێن بایی دنڤیسم
هنداڤ چریسکا ئەسمانی
ب پارینەیانڤە دهلاویسم.
*
کو ڕۆژ دهێت
هەبوون ل هەمبەر جوانیا تە
دبهۆژیت
ل ناڤ تیڕۆژکێن تە
هەست مەژی دمێژیت
ژیان دبیتە گاڤەک
ژبۆ دیدار و دیتنا تە
هەمی ڕۆژێن مایی دکوژیت.
