گرانترین ترۆمبێل ل جیهانێ بوهایێ وێ 13 ملیۆن دۆلارن

ئەڤرۆ نیۆز،زنار تۆڤی:
كۆمپانیا بناڤودەنگ Rolls-Royse Motors ل ڤان دوماهیان‌ ل‌ ئیتالیا‌ راگه‌هاند کو وان ترۆمبێلەکا زۆر یا تایبه‌ت و ده‌گمه‌ن یا دروستکری‌، كو‌ نرخێ وێ دگەهیتە 13 ملیۆن دۆلارێن ئه‌مریكی و ب ئەگەرێ تایبه‌تمه‌ندی و نرخێ وێ‌،بوو یە‌ گرانترین ترۆمبێلا نوو یا جیهانێ.
ل‌ گوور زانیاریێن پێگه‌هێ ئه‌لكترۆنی یێ بزنس ئینسایده‌ر ترۆمبێلا buggati-chiron كو نرخێ وێ دگەهشتە‌ نێزیکی 3 ملیۆن دۆلارا، وه‌ك گرانترین ترۆمبێلا نمایشكری یا جیهانی دهاتە هژمارتن، به‌لێ ئەڤ ترۆمبێلە كەفتیە پێش ماركێن دی یێن وه‌كی بوگاتی و لامبۆرگینی.
چیلیس تیلۆر،رێڤەبەرێ به‌شێ دیزاینێ یێ كۆمپانیا Rolls-Royse Motors روونکریە‌ کو ئه‌و دیزاینێ بۆ ڤێ ترۆمبێلێ هاتیەکرن و ئه‌و كه‌ره‌ستێن تێدا هاتینە ب کار هاتن،بۆ كه‌سەکێ هاتیە دروستكرن و ل ‌سه‌ر داخوازیا وی ب خوە بوو،لەورا یا ب زەحمەتە كۆپییه‌كا دی یا وێ ترۆمبێلێ جارەکادی دەست بکەڤیت بۆ کەسەکێ و ئێدی ناهێتە دروستکرن.
ئه‌ڤ كڕیاره‌‌ ژلایێ کۆمپانیا وی ناڤێ وێ ئاشکرا نەکریە،‌هەتا سالا 2013 چوویە‌ كۆمپانیا بریتانی‌ Rolls-Royse Motors و داخواز ژێکر،کو دیزاینێ ترۆمبێلا وی له سه‌ر شێوەێ یه‌ختەکا سالێن بیستێ و سیهێ یێن سه‌ده‌یا بوری بۆ دروست بكه‌ن.
هەروەسا وێ کۆمپانیێ‌ چ تایبه‌تمه‌ندیێن وێ ترۆمبێلا ئێکانە ئاشكرا نه‌كرینە و بتنێ گۆتیە،کو تایبه‌تمه‌ندیێن وێ گەلەک د دەگمەن و کێم و جۆدانە.

کۆمێنتا تە