گرتنا وێنەیان خۆشی و ئارامیێ د دەتە من
گوهدار سلیمان:
وێنەگر (سالار میكائیل) كو ئاكنجیێ باژێرێ ئاكرێ یە و ئەڤە دو سالن دەست ب كارێ وێنەگریێ كریە، د دیدارەكێ بۆ رۆژناما ئەڤرۆ گۆت: گرتنا وێنەیان حەزا منا زارۆكینیێ بوویە و ئەڤ حەزە دگەل من مەزن بوویە و هەر كارەكێ مرۆڤی حەز ل سەر هەبیت دشێت تێدا سەركەڤیت.
ناڤهاتی گۆت: ئەز ب رێیا مۆبایلێ وێنەیان دگرم و ب دیتنا من چ جوداهیەكا هوسا نینە دگەل كامیرێ، چونكو ل دەف من یا گرنگ د كارێ وێنەگریێ دا ئەوە كەسێن بەرامبەر خۆشیێ ژ دیتنا وێنەیان ببین و ئەز ب رێیا سۆشیال مەدیایێ وێنەیێن بەلاڤ دكەم و خەلكەكێ زۆر د بینن و ئەڤ كارە بۆ من ئارامی و خۆشیە و پتریا وێنەیێن ئەز دگرم ل دۆر سروشت و دیمەنیێن جوانیێن كوردستانێ نە و من دڤێت ب رێیا وێنەیێن دگرم ئەڤان دیمەنان بگەهینمە هەموو كوردان و دەرڤەی كوردستانێ و بێگومان هەر كارەكێ مرۆڤ بكەت دێ رەخنە هەبن و گەلەكان رەخنە ل من گرتینە و من ب دلەكێ مەزن وەرگرتیە و بۆ من ئەڤ رەخنە نیشانا هندێ ددەن كو ئەز د كارێ خۆدا یێ سەركەفتیم و د نوكە دا كارێ هونەری هەتا رادەیەكێ باش گرنگیا خۆ هەیە دەف خەلكێ مە، لێ ئەم پتر پێدڤی ب پشتەڤانیێ نە و هیڤیە پتر هاریكاری بهێتەكرن ژلایێ حكومەتێ ڤە.
