گرنژین دەرمانێ گەلەک نەخۆشیانە
ئەڤرۆ:
گرنژین رێیا کورتە بۆ راکێشانا دلان و شکاندنا ئاستەنگان و د سەرداگرتنا نەخۆشیان، گرنژین بالیۆزێ تەیە بۆ چارەکرنا دوبەرەکیان ل گەل کەسێن دی، گرنژین ئەو کارێ نازکە یێ دەربرینێ ژ دێمەکێ ڤەکری بۆ ژیانێ دکەت، دەم و کار پێنەڤێن بەلێ د سەر وێ چەندێ را وی کاری دکەت کو چو تشت نەشێن بکەن، چەند دلێن خەمگین ب گرنژینێ خوە راگرتیە، چەند زارۆیێن سێوی ب گرنژینەکا راست ژ دلەکێ دلۆڤان کەیفخۆش بووینە، چەند نەخۆشان ورەیا وان ب گرنژینەکێ بلند بوویە، چەند دەرگەھێن ب ناڤچاڤێن گرێ ھاتینە گرتن و ب گرنژینەکێ بۆ گەشبینیێ ھاتینە ڤەکرن.
یێ زکرەش نەبە و بۆ دەردۆرێن خوە بگرنژە و بۆ خوە ژی بگرنژی ھندی تە خەم ھەبن و دلێ تە یێ خەمگین بیت، گرنژین دێ ھەموو خەمان سڤک کەت، بۆ ژیانێ بگرنژە و ژیان ژی دێ بۆ تە گرنژیت.
ئەڤە ب تنێ مفایێن گرنژینێ نینن، گرنژینێ مفایێن ساخلەمی ژی یێن ھەین و ژ وانا:
ھەلامەتێ تووشبوونا ب قورمچینا سەروچاڤان ژ تە دوور دکەت کو ئەو قورمچین دوژمنێ ئێکێ یێ جوانیا ژنێ یە.
فشارا خوینێ نزم دکەت و دەماران تەنا دکەت و نەئارامیێ دوور دکەت.
بەرھنگاریا لەشی زێدە دکەت.
کار بۆ زەلالکرنا مێشکی و زێدەبوونا شیانێن داھێنانێ دکەت.
دڤێت ژبیر نەکەین کو گرنژین خێرە ژی وەکو پێغەمبەرێ خودێ (محمد) د.خ دبێژیت: گرنژین سەدەقەیە.
