گرنگترین تایبه‌تمه‌ندیێن سیسته‌مێ iSIM یێ مۆبایلان
سیسته‌مێ iSIM هه‌ر وه‌كو سیسته‌مێ SIM یێ كلاسیكی كار دكه‌ت، به‌لێ ب ره‌نگه‌كێ لاسلكی و ب كارئینانا پرۆتۆكولوله‌كێ ئه‌منی دهێته بكارئینان، پێزانینێن پێدڤی تۆمار دكه‌ت دا كو بشێت په‌یوه‌ندیێ ب تۆڕا گه‌هاندنێ بكه‌ت و په‌یوه‌ندیان ئه‌نجام بده‌ت.
ئێك ژ تایبه‌تمه‌ندیێن هه‌ری گرنگ یێن iSIM د قه‌بارێ وێ بچووك دایه، كو كێمتره ژ ملیمێتره‌كێ چارگوشه، ئه‌ڤه ژی جهی زێده‌تر دهێلیته د مۆبایلێ دا.
ئه‌منیه‌ت تایبه‌تمه‌ندیه‌كا دی یا به‌رچاڤه د سیسته‌مێ iSIM دا، ئه‌و یا پاراستیه ل ده‌ڤه‌را پاراستی د ناڤ SoC دا و دشیان دایه بهێته ده‌ستنیشانكرن ل گه‌ل تایبه‌تمه‌ندیێن ئه‌منی یێن تایه‌بت ب گۆره‌یی داخوازیان ل گه‌ل كارگه‌هێ.
هه‌ردیسا پیڤه‌رێن ئه‌منی یێن ب ناڤێ Tamper Evident Element (TRE) بۆ پاراستنا iSIM ژ هێرشێن ماددی یان هه‌ره‌مه‌كی هاتیه دروستكرن.
د سه‌ر ڤێ هه‌میێ را، iSIM داتایان سه‌یڤ دكه‌ت، ژ به‌ر كو ئه‌و وزا پێدڤی ژSoC وه‌ردگریت بێی كو پێدڤی ب چاره‌سه‌ركاره‌كێ هوور و جودا ببیت.
ئه‌ڤه ل گه‌ل تۆڕێن 2G و 3G و 4G و 5G د گۆنجیت، رێ ب هه‌موو تۆڕن په‌یوه‌ندیان ژی دده‌ت. دشیان دایه داتایێن هێلێن جودا وه‌ربگریت، ژ به‌ر هندێ ژی بۆ گوهۆڕینێ ژ كۆمپانیه‌كێ بۆ ئێكا دی كاره‌كێ ب ساناهیتره ل ده‌مێ دچیه ژ ده‌رڤه‌یی وه‌لاتی یان هه‌ر جهه‌كێ ئه‌و تۆڕا تو ب كار دئینی لێ نه‌بیت، ئێكسه‌ر ب گوهۆڕیه تۆڕه‌كا ل وی جهی كار بێ پێدڤی ب ده‌رخستنا سیم كارتی ببی و ئێكێ نوو ل جهێ وی بدانی.
دیسا سیسته‌مێ iSIM یێ هاتیه پێشخستن بۆ په‌یوه‌ندی ب هه‌یڤێن ده‌ستكرد ل وان ده‌ڤه‌رێن هێلا تۆڕێن دی تێدا نه‌بیت.
iSIM شیانێن نوو بۆ تشتێن ئه‌نترنێتێ ڤه‌دكه‌ت، دیسا بچووكا قه‌بارێ وێ و بكارئینانا وێ یا كێم مه‌زاختنا وزێ یا باشه بۆ گرۆیه‌كێ جوار و جور یێ ئامیران.
ل گه‌ل ڤێ چه‌ندێ، د سه‌ر ڤان هه‌موو تایبه‌تمه‌ندیان را، هێش بكارئینانا سیسته‌مێ iSIM یێ هه‌لاویستی یه و ل گه‌له وه‌لاتان هێشتا ناهێته بكارئینان و نه پیڤه‌ره‌كێ بنه‌جهـ و باوه‌رپێكری یه. ب تایبه‌ت ل رۆژهه‌لاتا ناڤین و ل ده‌ف مه ب خوه ژی هێشتا ب تنێ كۆمپاینا كۆره‌ك بۆ هنده‌ك مۆبایلێن ئایفۆنێ ل به‌ر ده‌ست كریه و یێن دی هه‌می سیسته‌مێ SIM یێ كلاسیكی ب كار دئینن. ژ به‌ر هندێ ژی دبیت ڤه‌گوهاستن بۆ ڤی سیسته‌مێ كارا و سه‌ركه‌فتی بۆ ده‌مه‌كێ درێژ ڤه‌كێشیت، هه‌تا هه‌موو كۆمپانی سه‌ره‌ده‌ریێ ل گه‌ل دكه‌ن و كار پێ بكه‌ن.
