گرنگترین پێزانین ل دۆر ( ده‌لتایێ) و (ده‌لتا په‌لاس)
ئه‌ڤرۆ، به‌رپه‌رێ ساخله‌میێ:
ل هه‌موو جیهانێ خه‌لك هه‌ست ب دودولیێ دكه‌ت ل هه‌مبه‌ر خوه‌گوهۆرێ ده‌لتا، مه هژماره‌كا پێزانینان ژ شاره‌زایان كۆمكرینه داكو به‌ربه‌لافترین پرسیار ل دۆر ده‌لتایێ بهێنه به‌رسڤدان.
٭ خوه‌گوهۆرێ ده‌لتا چیه؟
رێكخراوا ساخله‌میا جیهانی خوه‌گوهۆرێ ده‌لتا ب دودلیا زێده یا خه‌لكی وه‌سف دكه‌ت، چونكو شیان هه‌نه زوو به‌لافه‌ببیت.
٭ ئه‌رێ ڤاكسینێن كۆرۆنایێ د كاریگه‌رن دژی خوگوهۆرێ ده‌لتا؟
به‌رسڤ: به‌لێ، هێشتا ڤاكسینێن دژی كۆرۆنایێ ئه‌وێن هاتینه باوه‌ریپێكرن ژلایێ رێكخراوا ساخله‌میا جیهانی، كاریگه‌ریا خوه هه‌یه بو خۆپاراستنێ ژ نیشانێن ب مه‌ترسی و مرنێ، هه‌تا بو ده‌لتایێ ژی، باشتره تو ب پشتراستی دو ژەمێن ڤاكسینێ وه‌ربگری داكو یێ پاراستی بی.
ڤاكسین پتریا مرۆڤان ژ تووشبوونێ ب كۆرۆنایێ دپارێزن، به‌لێ چ ڤاكسین نینن 100% مرۆڤی ب پارێزن، ره‌نگه هژماره‌كا كێم یا مرۆڤان پشی ڤاكسینێ تووشی كۆرۆنایێ ببن، به‌لێ نیشانێن وان دسڤكن، له‌ورا هه‌كه تو ل ده‌ڤه‌ره‌كێ بژی كۆرۆنا یا لێ به‌لاڤه‌بیت، باشتره پشتی ڤاكسینێ ژی خوه ب پارێزی، هه‌كه ته ڤاكسین وه‌ربگرت بیت و نیشانێن كۆرۆنایێ ل ته دیاربوون، په‌یوه‌ندیێ ب نۆشدارێ خوه بكه، كا دێ پشكنینێ ئه‌نجام ده‌ی یان نه.
٭ ئه‌رێ دبیت زارۆك تووشی خوگوهۆرێ ده‌لتا ببن؟
به‌رسڤ: خوگوهۆرێ ده‌لتا زارویان ب تنێ ناگریت، هه‌موو ژی یان دگریت، دگه‌ل ڤێ چه‌ندێ خوگۆهۆرێ ده‌لتا پتر ژ یێن دی به‌لاڤه‌دبیت، ئه‌و كه‌سێن گه‌له‌ك تێكه‌لیێن جڤاكی هه‌بن و ڤاكسین وه‌رنه‌گرت بیت پتر تووشی خوگوهۆرێ ده‌لتایێ دبن.
٭ئه‌رێ ئه‌ز دشێم خوه و خێزانا خوه ژ خوگۆرێ ده‌لتا ب پارێزم؟
به‌رسڤ: پشتی به‌رێخودانێ ل نووترین راپۆرتا ل دۆر ئاستێ به‌لاڤبوونا ڤایرۆسێ كۆرۆنایێ ل ده‌ڤه‌را ته، بجهئینانا رێكارێن ناڤخۆی، ب شێوه‌یه‌كێ گشتی، چه‌ند پتر به‌لافه‌ببیت، مه‌ترسیا تووشبوونا ته پتره ل جهێن گشتی.
ئه‌ڤه هنده‌ك رێكێن سه‌ره‌كینه بو پاراستنا ته و خۆشتڤیێن ته:
– نه‌چه جهێن قه‌ره‌بالغ، پێدڤیه دووراتیێ دناڤبه‌را خوه وكه‌سێن دی بپارێزی.
– پێدڤیه هه‌وایێ باش ل هه‌موو كوژیێن مالێ ب پارێزی.
– ل جهێن گشتی كه‌مامێ ب كاربینه ده‌مێ نه‌خۆشی یا به‌لاڤه‌بیت ل ناڤ جڤاكی، و دووركه‌تنا به‌ده‌نی ژی یا گرنگه.
– ده‌ستێن خوه باش ب ئاڤێ وسابوونێ بشوو، یان ب كه‌رسته‌كێ كحولیت پاقژ بكه.
– ده‌مێ ژڤانێ ته یێ ڤاكسینێ دهێت، ئه‌وێن هاتینه رێپێدان ژلایێ رێكخراوا ساخله‌میا جیهانی، وه‌ربگره، چونكو د ئێمن و كاریگه‌رن.
٭ خوگۆهۆرێ ده‌لتا په‌لاس چیه؟
خوگوهۆرێ ده‌لتا په‌لاس ژ په‌ركێن نوو یێن پروتینێ كو ڤایرۆس ب كاردئینیت دا بچیته دناڤ له‌شێ مرۆڤی دا پێك دهێت، ژبه‌ركو هه‌ڤبه‌ندیه‌كا راسته‌وخۆ ب ده‌لتایێ هه‌یه، له‌ورا ناڤێ وی كره ( ده‌لتا په‌لاس)، چ تیپێن دی ب كارنه‌ئینان، هه‌تا نوكه ده‌لتا په‌لاس ب هژمارێن كێم هاتیه توماركرن.
ژ په‌یچێ ( الیونسیف بالعربیه) یێ رێكخراوا یونسێف هاتیه وه‌رگرتن
