گرنگه ده‌نگی بده‌ین لێ گرنگتر ئه‌وه ده‌نگی ب كێ بده‌ین؟
شڤان سالم گولى
هنده گه‌لێ ئیراقێ ب گشتی پشتی چه‌ند رۆژه‌كێن دی دێ ده‌ربازی ده‌رازینكا گه‌ڕه‌كا نوی ژ هه‌لبژارتنێن ئه‌نجوومه‌نێن نوونه‌ران ل ئیراقێ بن، هه‌موو حزب و ئالی ب نوونه‌راتیا چین و ئایدولۆجی و نه‌ته‌وه‌یێن جوداجودا ل ئیراقێ ب به‌ربژار و به‌رنامه و پرۆپاگنده‌یێن بریقه‌دار د ئاماده‌كاری و گێلۆشه‌كا خوه ده‌ربازكرنێ دانه بۆ ناڤا جڤاتا نوونه‌ران، دیاره د ڤێ ناڤبه‌را ئێك ژ ئالیێن پشكدار هێز و ئالیێن سیاسی یێن كوردینه كو پێشی ئه‌م باس ل گرنگیا پشكداریا تاكێ كورد د ڤێ پرۆسێ دا بكین ئاواتا وێ ئێكێ دخوازین كو هه‌موو هێزێن كوردی وه‌كو جاران لژێر سایا ئێك سه‌ركردایه‌تی و ب ئێك به‌رنامه و ستراتیجیه‌ته‌كا ئێكگرتی پشكداری ڤێ پرسێ ببوونا بۆ هندێ كو سه‌نگ و ده‌نگێ كوردان ب هێزتر بایه و كاریگه‌ریه‌كا زێده‌تر لسه‌ر را و بڕیارا سیاسی ل به‌غدا هه‌بایه، لێ مخابن كو ئه‌ڤ چه‌نده روی نه‌دا و هه‌ر هێز و ئالیه‌ك یان خوه سه‌ری خوه یان ژ ب هه‌ڤپه‌یمانی دگه‌ل ئالیه‌ك دیاركری ده‌ربازی ڤێ پرۆسێ بووینه، له‌و ل ڤێرێ یا هه‌ری گرنگ بۆ مه كوردان پشكداربوونه‌كا كارا و ئێكلاكه‌ره د ڤان هه‌لبژاتناندا، لێ پرسا ژ وێ گرنگتر ئه‌وه كو پێدڤیه تاكێ كورد هوشیاریا وێ چه‌ندێ هه‌بت كو بزانت دێ كێ یان ژی چ هێزه‌كا سیاسی هه‌لبژێریت ب تایبه‌ت ژی كو پتریا پارت و ئالیێن سیاسی ل ئیراقێ (سوننه، شیعه)جێبه‌جێكارێن ئه‌جندایێن هه‌رێمی و نێڤده‌وله‌تینه ب تایبه‌ت ل دۆر پرسێن گرێدایی ب كوردستانێ ب گشتی و ده‌ڤه‌رێن كوردستانێ یێن ژده‌رڤه‌ی ئیدارا هه‌رێمێ كو دبێژنێ ماددێ 140، له‌وا ژ ڤێ گوشه‌نیگایێ را ده‌نگدان ب كیژان ئالیێ سیاسی باندۆرا خوه یا هه‌ری ب هێز و گرنگ هه‌یه، لسه‌ر ڤی بنیاتی دڤێت هه‌ر تاكه‌ك بیر ل زۆر بۆیه‌ر و رویدانان بكت و بزانیت چ هێز وئالیه‌كێ سیاسی ل هه‌رێما كوردستانێ ب گوتن و ب كریار د چه‌په‌رێ به‌رنگاربوون و به‌ره‌ڤانیكرنێ ژ ماف و ده‌ستكه‌فتێن خه‌لكێ هه‌رێما كوردستانێ كریه، هه‌ر وه‌سا چ لایه‌نه‌ك بوویه پارێزه‌رێ راسته‌قینه یێ شكۆ و كه‌رامه‌تا خه‌لكێ كوردستانێ، ژ ئالیه‌ك دیڤه گرنگه‌بزانین ل رۆژێن سه‌خت چ، هێز و ئالیه‌ك بوون د چه‌په‌رێ به‌ره‌ڤانیێ ل سحێلا و پردێ چۆك ب دوژمنێن كوردستانێ داناین و چ هێزه‌ك بوون پشت داینه دۆزا گه‌لێ خوه و بووینه ته‌ماشه‌چیێن بۆیه‌رێن شه‌ڕی و چه‌پله‌لێده‌رێن حه‌شدو پاسدارن، ژ ئالیه‌ك دی ژی كو فه‌ره تاك لسه‌ر ب ته‌واوی د هشیار بن، زۆره‌ك ژ به‌ربژێرێن ب ناڤ سه‌ربه‌خوه یێن گرێداى ب حزب و ئالیێن دیار كری ڤه، جاران ساده‌بوونا خه‌لكی و په‌یوه‌ستبوونا وان ب ئائینی پیرۆزێ ئیسلامێ ژ ئالیه‌كێ ڤه! دیسا گوزه‌رانا خه‌لكێ ژ ئالیه‌ك دیڤه دكه‌ن كه‌ره‌ستێ لێكرنا هه‌ڤڕانێ خوه، و حه‌مامێ بۆ خه‌لكێ ساده دئینن لێڤا گوایه ئه‌گه‌ر ئه‌و ده‌ربكه‌ڤن و ده‌ربازی ئه‌نجوومه‌نی ببن دێ هه‌رێم و ئیراق بن شاما شه‌ریف، پرۆژه و خزمه‌تگوزایێن عنتیكه د خه‌یالێن خه‌لكی دا دسه‌پینن، د ده‌مه‌كێ دا جڤاتا نوونه‌ران ل ئیراقێ هیچ په‌یوه‌ندی ب جێبه‌جێكرن و دادانا پرۆژه و خزمه‌تگوزاریان ل هه‌رێمێ نینه و ئه‌ڤه به‌رپرسیاره‌تیا حوكمه‌تا هه‌رێمێ بخوه‌یه، لسه‌ر ڤی بنیاتی گرنگه وه‌ك لسه‌ری مه ئاماژه پێدایی گرنگه پشكداربین د ده‌نگدانێ دا لێ زۆر گرنگتره ده‌نگ ب هێزا داكۆكیكار و به‌ره‌ڤانێ راسته‌قینه‌یێ ماف و ده‌ستكه‌فتێن ڤێ هه‌رێمی بده‌ین، ده‌نگ ب وێ هێزێ بدین یا كو هه‌ولێر كریه ناڤه‌ندا بڕیاردانێ و ترافیكا سیاسی، دهۆك كریه پاكژترین پارێزگه‌ها ئیراقێ، هه‌رێم كریه ناڤه‌ندا ئارامی و پێكڤه‌ژیانێ، ئه‌و هێزا تنێ یه‌ك سه‌ركرده وكاریزما هه‌یی كو جه‌نابێ كاك مسعود بارزانی یه، ئه‌و هێزا دو بالێن ب هێز هه‌ین بۆ فڕینێ به‌ره‌ف لۆتكێ كو جه‌نابێ نێچیرڤان بارزانی و مه‌سرور بارزانی نه، له‌و هه‌موو پێكڤه لرۆژا ده‌نگدانێ پێشره‌ویی كورد پارتیه و سه‌روكمان بارزانیه
