گرنگیا دامەزراندنا پـارتـی
ناجح بێجانی
دامەزراندنا پارتی دیموكراتی كورد وەكو پێدڤیەكا مێژووی و ڕۆژەكا پڕشگندارە د ناڤا بزاڤا رزگاریخوازیا كوردستانێ دا، پشتی شەڕێ جێهانێ یێ دوێ ب دووماهیك هاتی و سەر و بەندێین گوهۆڕینان ل دەڤەرێ و دەولەتێن نووی ژدایكبوون و توخیبێن نووی هاتبوون دورستكرن ژ بۆ كوردان ژی دەرفەت بوو كو د رێیا دامەزراندنا پارتەكا سیاسییا كوردی دا ل باشوورێ كوردستانێ بهێتە دامەزراندن بۆ وێ قۆناغێ كو بشێت سەركێشیا بزاڤا ئازدیخوازا كوردستانێ بكت و هەر چەند ب نهێنی و ئامادەبوونا (٧٠) ئەندامێن پارتی كۆنگرێ ئێكێ ل بەغدا هاتەبەستن، لێ ل قۆناغا دەستپێكێ دا بەلاڤبوونا هزریێن نەتەوەیی ڕەوشەنبیرێ و پێگەهاندنێ بوون ب دوورشمێ بهێزكرنا هەستا نەتەوەیی و د ناڤ جڤاكا كوردی دا و پالپشتەك ژی بۆ كۆمارا كوردستان، ب مخابنی ڤە دەولەتێن زلهێز ژ بۆ بەرژەوەندیێن خوە، وەكو پێدڤی پشتەڤان نەبوون، لەومانێ ژییێ كۆمارێ كێمتر ژ سالەكێ خایاند، ئەڤجا پارتی بۆ هەر چار پارچەیێن كوردستانێ ئۆمێدبەخش بوو، ببوو جهێ ئۆمێدێ و دەلیڤەك بوو كو بشێت بەردەوامیێ بدەتە كاروانێ خەبات و تێكۆشینێ و ببوو ڕێخۆشكەرەك ژبۆ دانانا بنەمایێن دەولەتەكا كوردی یا سەربەخوە و بەرسڤەك ژی بۆ دوژمنان، لەوما ژی ل كۆنگرەیێ سیێ ل سالا ١٩٥٣ پارتی ناڤێ خوە گۆهارت بۆ پارتی دیموكراتی كوردستان داكو پتر دەلیڤە بۆ كوردێن هەر چار پارچەیان پەیدا بت ل ژێڕ سەركردایەتیا بارزانیێ نەمر و دەرەفەتەك زێرێن ژی بوو، ژ بەر هندێ ژی پارتی شییا سەركێشیا دو شۆڕەشێن كوردی یێن چەكداری بكت (ئیلۆنێ – گۆلانێ) پێشمەرگەیێن هەر چار پارچیێن كوردستانێ كو ژ هەمی تەخ و ئۆل و مەزهەبان تەڤلی شۆڕشێ بوون ژبۆ بەرەڤانیكرن و بەرخوەدانێ بۆ كوردستانەك ئازاد، لەوما ژی ب وێ ئێكڕێزێ دوژمن نەچاركرن دانپێدانێ ب هندەك مافێن سەرەتایێن ێین كوردان دا بكن و ل سالا ١٩٧٠، بۆ وێ قۆناغێ گرنگ بوون كورد ل سەرانسەری جیهانێ پتر هاتن نیاسین و ئارامیەك ژی ل كوردستانێ هەبوو، لێ ب مخابنی ڤە دوژمنێن كوردان وەكو هەر جار دەمێ لاوازبوونێ دا بەرهەڤن هەتا د گەل دوژمنێن خوە ژی پەیمانان ئیمزا بكن، ب تنێ مەرەما وان بۆ نەهێلانا شۆڕەشێن كوردان، ڕاستە شۆڕەشا ئەیلونێ بۆ وەختەكێ كێم شەڕێ چەكداری راوەستاند و د كاودانەكێ هەری ئاڵۆز و بێ ئۆمێدیێ دا بوو، ژ ئەنجامێ ڕێكەفتنا خیانەتكارانە یا جەزائیرێ، لێ جارەكا دی پێشمەرگەی ب مۆرالەكا بلند
و هەست ب بەرپسیارەیەتیێ و باوەری ب خوەبوون چریسكا شۆڕەشا گولانێ دەستپێكرو یا جودا بوو ژلایێ ڕێكخستنێن نهێنی و پرەنسیب و دیسپلینێن سەربازی ژی ڤە گەلەك یا رێكوپێك و نموونەیی بوو، پێداچوونەكا واقعیانە و دارشتنا بەرنامەكێ نوی ب خەباتا چەكداری و ئەنجامدانا چالاكێن لەشكری ب تەكتیكێن تازە و شەڕێ پارتیزانیێ، لەوما ژی بەرهەمێن هەر دو شۆڕشان گەهشتنە قۆناغا سەرهلدانێ و ئەڤرۆكە ئەم بووینە خودان حوكمەت و پەڕلەمان و هەتا راددەیەكێ نیمچە سەربەخۆ، پارتی د ژییێ ٧٩ێ سالییا سالڤەگەرا خودا بۆ ئێك چڕكە ژی ژ وان ئارمانجێن خەبات بۆ دكر پاشگەزنەبوویە هەردەم بەر ب پێشڤە دچت و هەتا كو كورد كوردستانیان بگەهیننە كەنارێ ئارامییێ و سەربەخوەییێ، پیرۆز بیت ژدایكبوونا سەرۆك بارزانی، پیرۆز بیت سالڤەگەرا ٧٩ سالییا دامەزراندنا پارتی، دێ هەر مینت بهێز ئیرادەیا گەلێ كورد ل دژی پیلانێن دوژمنان بەژنا خوە بۆ روحا وان شەهیدان دچەمینم یێن كو ب خوینا وان ئەڤرۆ ئەم ئازاد بوون،ب سەركێشییا بابێ روحیێ نەتەوێ كورد بارزانیێ نەمر، هەر بەرز و بلند بیت ئالایێ كورد و كوردستانێ.
