گرنگیا رۆلـێ كرێكاران
بـاریـن شعبان
كرێكار یان(laborer) كەسەكە كو كار دكەت و چالاكیەكا دەستی ئەنجام ددەت و ئێكە ژ پلەیەكا گرنگ یا دروستكرنا پرۆژەیەكێ ئابۆری، د بەرامبەردا كرێیەكا دارایی وەردگریت ئەو كارێ كرێكار دكەت دبێژنێ (كرێكاری) و ئەڤ كارە ژ ئالیێ جەستەییڤە كارەكێ گرانە پێدڤی ب شیان و جەستەیەكێ ب هێز و سلامەتە.
كرێكاران(كارێكار): تەخەكا جڤاكی- پیشەییە. بۆچوون ل سەر پێناسەكرنا سروشت و رۆلێ جڤاكی و ئابۆری و سیاسی د جودانە، هندەك جاران وەك لایەنەكێ بنەرەتی د پەیوەندیێن بەرهەمهێن دا دهێتە پێناسەكرن.
رۆژا كرێكاران ب تنێ جەژن نینە، بەلكی رێزلێنانەكە بۆ بهایێن كارێن گران و بەخشین كو بەرێ بنیاتێ پێشكەفتنا جڤاكان پێكدئینن. د ڤێ رۆژێ دا ب شانزی و سوپاسی و پێزانین ڤە پشكدارییا هەر كرێكارەكێ د ئاڤاكرنا میللەت و ب هێزكرنا ئابۆرییا وی دا ب بیردئینین.
و دڤێت ئەم پابەندبوونا خۆ بۆ پشتەڤانیكرنا مافێن كرێكاران و باشتركرنا بارودۆخێ كاركرنا وان دوپات بكەین، چونكو پێشەنگێن پێشكەفتن و بزۆێنەرێ راستەقینەیێن گورانكارییانە.
رۆلێ كریكاری: ڕۆلێ تمامكەرێ ڕۆلێ ماموستا و ئەندازیار و نۆژدار و گرۆپێن جڤاكی یێن دینە. هەر گرۆپەك ڕۆلێ ئابۆری و جڤاكی یێن خۆ هەنە و جڤاك بێی چ گرۆپەك نەشێت بژیت و بێی كرێكار ژی نەشێت گەشێ بكەت و پێشبكەڤیت. نابیت ڕۆلێ كرێكاری د هەمی وارێن بەرهەمهێنانێ دا بهێتە كێمكرن، د چاندن و پێشەسازیێ دا، یان د بازرگانیێن جۆراو جۆر دا.
رۆلێ كرێكاری د پاراستنا ژینگەها گشتی دا د بەرپرسایەتیا خۆدا بەرجەستە دبیت بەرامبەر پاقژی و بژینیا جاددێ و كێمكرنا پیسبوونێ ب رێكا هاڤێتنا پاشماوەیان، ئەڤەژی هاریكارە د دروستكرنا ژینگەهەكا ساخلەم و سەرنجراكێش بۆ جڤاكێ و بلندكرنا هشیارییا ژینگەهێ ل دەڤ تاكان.
مافێ هەلومەرجێن كاركرنێ كو كەرامەتێ بپارێزیت، مافێ ئەنجامدانا كارەكی كو مرۆڤ ب ئازادی هەلبژێریت یان قەبیل بكەت، مافێ ورەگرتنا پاداشتێ پێدڤی، مافێ رۆژا كاركرنا سنووردار و دەمێ بێهنڤەدانا مووچەخۆری، مافێ مووچێ یەكسان بۆ كارەكێ كو بهایێ وی یەكسان بیت، مافێ مامەلەكرنێ، مافێ بارودۆخێ كاركرنێ سلامەت و ساخلەم بیت.
