گرنگیا كه‌رتێ چاندنێ د كه‌ڤاله‌كی دا دانه دیاركرن
هه‌له‌بجه، عه‌زیز هه‌ورامی:
سه‌رگول ئه‌بوبه‌كر، قوتابیه‌كا زانكۆیا هه‌له‌بجه‌یه، د دیداره‌كێ دا بۆ رۆژناما ئه‌ڤرۆ دبێژیت: من ل گه‌ل هه‌ردو هه‌ڤالێن خوه( شادی مارف و شینێ مه‌یروان) نه‌خشێ سێ كیشوه‌رێن جودا چێكریه، كو ئه‌و ژی كیشوه‌رێ ئاسیا و ئه‌مریكا باشۆر و ئیراقێ یه، مه‌ره‌مامه دانه‌نیاسینا چاندنێ یه، چنكو ئه‌و كیشوه‌ر ب چاندنێ دبه‌رنیاسن.
هه‌روه‌سا گۆت: ئه‌م وه‌ك قوتابیێن پشكا زانستێن كومه‌لایه‌تی ل زانكۆیا هه‌له‌بجه، هزرا چێكرنا ڤی نه‌خشه‌ی ماموستایێ مه وه‌ك چالاكیه‌كا رۆژانه دامه، مه گه‌له‌ك زه‌حمه‌ت دیت هه‌تا ئه‌ڤ نه‌خشه هاتیه چێكرن، چنكو ل ده‌ستپێكێ مه بنیاتێ وێ دا پاشان ب تیپێ و هنده‌ك كه‌رستێن دی گه‌نم و جه‌ه و گولبه‌رۆژ و برنج و په‌مبی وله‌ڤه‌نێ شه‌كرێ و كتان و باجانێن سۆر دیاركرن، ئه‌و ژی هه‌ر كه‌رسته‌ك ل دووف كیشوه‌رێن لێ هه‌ین، ئانكو ب رێكا ڤی كه‌ڤالی ئه‌م شیاین پتر گرنگیا چاندنێ بده‌نه نیاسین و مه گۆته حكومه‌تێ پتر گرنگیێ ب كه‌رتێ چاندنێ بده‌ن، چنكو چاندن زێڕێ كه‌سكه.
