گرنگیا پشكداریكرنێ د هەلبژارتنان دا ل ئامێدیێ هاتە بەحسكرن
ئامێدیێ، مەحمود نهێلی:
كومسیۆنا بلندا سەربخۆ یا هەلبژارتنان ئوفیسا پارێزگەها دهۆكێ ب هەڤكاری ل گەل دەڤەرداریا ئامێدیێ سمینارەكا جەماوەری یا رەوشەنبیری بۆ خەلكێ دەڤەرا ئامێدیێ رێكخست.
وارشین سەلمان، دەڤەردارێ ئامێدیێ بۆ رۆژناما ئەڤرۆ دیار كر، د ڤێ سمینارێ دا، كو هەژمارەكا زۆرا هەلبژێر و رەوشەنبیر و خەلكێ دەڤەرێ پشكدار بوون، چەندین بابەتێن گرێدایی تۆمارا دەنگدەران و بەلاڤكرنا كارتا دەنگدانێ و گرنگیا پشكداریێ د هەلبژارتنێن جڤاتا نوونەرێن ئیراقێ دا هاتنە بەحسكرن و گۆت: «بابەتێن ب ڤی رەنگی گرنگیا خوە هەیە، ژ بەر كو هشیاركرنا وەلاتیان، كو پشكداریێ د هەلبژارتنان دا بكەن، كارەكێ فەرە و جهێ گرنگیدانێ یە».
