گرنگینهدان ب شوونهوارێن دیرۆكی.. پرا كهلیان وهك نموونه
شوونهوارێن كهڤن هێمایێن دیرۆكینه و نیشان و بهلگهیهیێن راستهقینه نه ل سهر پێشكهفتن و شارستانیا كهڤن ئهوا رۆژ ل دووڤ رۆژێ و دهم ل دووڤ دهمی ل سهر روویێ ڤێ جیهانێ پهیدابووی و مرۆڤان ههر ل دهستپێكا پهیدابوونا خوه ب دهستڤهئینای ههتا كو گههشتیه ڤێ قووناغا ئهڤرۆ ئهم تێدا دهرباز دبین. لهورا زۆر گرنگه بزانین ژیان و ههبوونا ههر نهتهوهكێ یان ههر مللهتهكێ ژی د ڤان شوونهواران دا دیار دبیت و دیسا ههر مللهتهكێ ژی هندهك شوونهوار ههنه كو دیرۆكا وی مللهتی پێڤه هاتیه گرێدان و ئێك ژ وان مللهتان ژی كو گهلهك دهولهمهنده ب شوونهوارێن خوه یێن دیرۆكی مللهتێ كورده. كو ب سهدان شوونهوارێن دیرۆكی ههنه ههتا ئهڤرۆ ژی گهلهك ژ وان ماینه كو بۆ ههتا ههتایێ ئهم ههمی شانازیێ پێ دبهین و پاراستنا وان ژی ئهركه ل سهر ملێن ههر ئێكێ ژ مه، لێ گهلهك جاران ب مخابنیڤه هندهك ژ ڤان شوونهوارێن مه یێن مێژویی بهرزه بووینه و ژناڤچووینه و دیسا گهلهك ژ وان ژی د مه ترسیی دانه كو ژ ناڤبچن و ل ژێر فشارێن توند یێن بهرزهبونێ دانه، ژ وان ژی كو مهترسیهكا مهزنا ژناڤچوونێ ل سهر ههیه (پرا كهلیایه) یه ئه وا دكهڤیته ل سه ر رووبارێ زێ ل گهلیێ رهشاڤه ژ ئالیێ ژۆری یێ ناحیا دێرهلۆكێ كو ئهگهر لایهنێن پهیوهندیدار ژێ خوهدی دهرنهكهڤن دبیت ب ههمیڤه ژ ناڤ بچیت و بهرزه ببیت، گومان تێدا نوونه كو ژناڤچوون و بهرزهبوونا ههر شوونهوارهكی ب ڤی رهنگی زیانهكا مهزنه بۆ دیرۆك و شارستانیا كوردی ب گشتی، ههژیه بێژین كو ئه ڤ پره ژ پێنج كوچان پێكهاتیه لێ زۆربهیا ڤان كۆچان ژ ئهگهرێ بۆرینا دهمی و رابوونا رووبارێ زێ ب سهرڤه ههرفتی نه، ههر بۆ زێدهتر پێزانین ل سهر ڤێ پرێ وێنێ مارهكی ل سهر ڤێ پرێ دهێته دیتن و ژ بهر پیرۆزیا ماری ل جهم زهردهشتی و ئێزدیان وهساخوهیا دبیت كو ئهڤ پره بهری هاتنا ئیسلامێ هاتیه دروستكرن، ههر وهكی دوێنێ ڤێ پرێ دا یا دیار ئهڤ پره و پرا دهلال ل زاخۆ ب ئیك سیستهمێ ئاڤاكرنێ هاتینه دانان، لهورا ژبهر گرنگیا ڤی شوونهوارێ دیرۆكی و پاراستنا ڤێ پرێ وهك سامانهكێ نهتهوهیی و نیشتیمانی یێ گرنگ داخوازێ ژجهێن پهیوهندیدار دكهین ئهوێن خوه ب ڤان شوونهواران خودانێن سهرهكی دزانن و پاراستنا وان ب ستویێ خوه ڤهدگرن و ژ وان جهان ژی ب تایبهت رێڤهبهریا شوونهواران ل پارێزگهها دهۆكێ كو ئاورهكێ ل ڤی جهێ دیرۆكی بدهن بهری ب ههمیڤه ژ ناڤ بچیت و بهرزه ببیت.