گرنگە مرۆڤی حەز بۆ كارێ خوە هەبیت
دلڤین رەشید:
وێنەگر (راكان ئیسماعیل قاسم) د دیدارەكێ دا بۆ رۆژناما ئەڤرۆ دیاركركو ئەو خەلكێ قەزا شنگالە، نێزیكی نەه سالانە چوویە دبۆارێ وێنەگری دا، ل چەندین كەنالان كار كریە، نوكە ژی وێنەگرە ل كەنالێ سەما تیڤی كو كەنالەكی تایبەت ب ئێزدیان ڤە، هەروەسا خودانێ فلمەكی دوكیۆمەنتاریە و پشكداری د پێنج فلمین دوكیۆمەنتاری دا كریە وەك وێنەگر.
ناڤهاتی گۆت: ب ب رێیا چافكێ كامیرا خوە شیایە خزمەتەكا بچووك پێشكێشی مللەتێ خوە بكە، ب تایبەت ژی ئەو جینۆسایدا ب سەرێ مللەتێ ئێزدی هاتی، مینا وێنەكرنا وان ئێش و ئازارێن ب سەرێ خەلكێ شنگالێ دا هاتین و وێنەكرنا چیرۆكێن رزگاربوویان و گەهاندنا دەنگێ قوربانیان و دوكیۆمەنكرنا وێ تراژیدیا ب سەرێ خەلكێ بێ گونەهێ شنگالێ هاتی و هەلبەت ژبۆ سەركەفتنا من دكارێ دا مالباتا من بوو، بەلێ یا گرنگە مرۆڤی ژی حەز ژبۆ كارێ خوە هەبیت دا بشێت یێ بەردەوام بیت، داخوازێ ژ هەر گەنجەكی دكەم كاری ل سەر دوكیۆمەنتكرنا جینۆسایدێن ب سەرێ مللەتێ كورد ب گشتی و یێ ئێزدیان ب تایبەتی هاتین بكەن، چنكو ئەڤ دێ بیتە مەزنترین بەلگە بۆ مێژوویێ.
