گرنگە مفایی ژ شیانێن گەنجان ببینن
دلڤین رەشید:
وێنەگر(شەهوان عەدنان رەشید) د دیدارەكێ دا بۆ رۆژناما ئەڤرۆ دیاركر كو ئەڤە نێزیكی دەه سالانە ئەو كارێ وێنەگریێ دكەت و پتریا وێنەیێن وی ل سەر سروشتێ كوردستانێ و ئەڤ كارە بوویە دەرگەهەك بۆ ب رێڤەبرنا ژیانا وی .
ناڤهاتی گۆت: هتا نوكە من نەشیایە چ پێشانگەهێن تایبەت ڤەكەم، ئەوژی ژبەر نەبوونا پشتەڤانیێ، لەورا نەچارم د ئەكاونتێ خۆ یێن تایبەت دا وێنەیێن دگرم بەلاڤ بكەم، ئەڤ كارە ل دەستپێكێ بۆ من گەلەكێ زحمەت بوو، بەلێ ژبەر حەزا من بۆ وێنەگرتنێ رۆژ بۆ رۆژێ بۆ من ب ساناهی بوو، لەورا هەردەم ئەز دبێژم گەلەكا گرنگە لایەنێن پەیوەندیدار مفایێ ژ شیانێن گەنجان ببینن و پشتەڤان بن بۆ خەون و ئارمانجێن وان، دا كو گەنجێن مەژی بشێن ب رێیا وێ بەهرەیا وی هەی خزمەتا وەلاتێ خوە بكەت، چونكی هەبوونا پشتەڤانیێ ژبۆ گەنجان دبیتە ئەگەر كو زێدەتر ل سەر شیانێن خۆ كاربكەن و خوە ئاڤا بكەن وەكو گەنجەكێ پێگەهشتی.
