گرنگە مۆزیكژەن یێ ئەكادیمی بیت
هەرهین محەمەد:
شیمال ئەحمەد، لێدەرێ ئۆرگێ، د دیدارەكێ دا بۆ رۆژناما ئەڤرۆ گۆت: ئەڤە بۆ دەمێ هەژدە سالانە مۆزیكێ دژەنم، ژبلی ئۆرگێ ئامیرێ سازێ ژی دژەنم، بەلێ زەحمەتیەك یا هەی دناڤبەرا هەردو ئامیران دا، ئانكو جوداهیەك یا هەی و ئەز بخوە ب ساناهی فێری مۆزیكێ بووم، ژبەركو من گەلەك حەز ل سەر هەبوو و چ كار ب ساناهی نینن، بەلێ وەسا بۆ مرۆڤی كار یێ ب ساناهیە دەمێ مرۆڤ حەز ل سەر هەبیت و نوكە قوتابیێ پەیمانگەها هونەرێن جوانم ل زاخۆ و ب شێوەكێ ئەكادیمی ل دووڤ نوتێ دژەنم و گەلەك یا گرنگ و باشە مۆزیكژەن یێ ئەكادیمی بیت و دڤی دەمی دا فێری گەلەك تشتا بوویمە.
ناڤبری گۆت: من نڤیسینگەها مۆزیكێ ل زاخۆ هەیە و ئامیرێن مۆزیكێ ژی هەنە و دچمە دەوات و شەهیانا و دچمە ئاهەنگ و رۆژبوونا و روینشتن و لایڤ مۆزیكا و یێ ئاما دەمە ل گەل هەر سترانبێژەكی مۆزیكێ بژەنم و چونكو نوكە ئەو دەم نینە مرۆڤ ل گەل چینەكا سترانبێژان مۆزیكێ ب ژەنیت و نوكە وەلێهاتیە و هندەك دكەن و هندەك دخۆن.
