گرنگە هەر گەنجەكی كارێ خوە هەبیت
دلڤین رەشید:
هەلدێر عەتۆ، د دیدارەكێ دا بۆ رۆژنامەیا ئەڤرۆ دیاركر كو ئەو خەلكێ كومەلگەها شاریا یە، دەرچۆیێ پەیمانگەها تەكنیكی ل شێخان/پشكا ئایتی یە، پشتی دەرچۆنا خوە هزر دهندێ دا كر ببیتە خودان كارێ خوە یێ تایبەت، ئەو بوو گولخانەیەك ل دەڤەرا خوە ڤەكر، پاشی ب هاریكاریا خویشكا خوە پشكا دیاریان ژی دناڤ كارێ خوە دا زێدەكر و نوكە هەردو پێكڤە دناڤ ڤێ گولخانێ دا كاردكەن.
ناڤهاتی گۆت: بۆ جارا ئێكێ یە ل دەڤەرا شاریا گولخانەیەكا ب ڤی جۆری دهێتە ڤەكرن پشتی كو مە دیتی چ كارێن ب ڤی رەنگی ل دەڤەرێ نینن و پێدڤیە هەبن، ئەو بوو ئەو گولخانە مە ڤەكر ژبۆ هندێ ئەم بشێین خزمەتا خەلكێ خوە یێ دەڤەرێ بكەین، ژبەركو د قۆناغا نۆكە دا رەوشەنبیریەكا باش دناڤ جڤاكێ مەدا پەیدا بوویە، ژبۆ هەر هەلكەفتەكێ داخوازیێن وان ل سەر گولێن سروشتی هەنە دا كو پێشكێش بكەن ژبۆ وێ مەرەمێ ئەوا وان هەی و داخوازیێن ل سەر ئەڤی كارێن مە دهێن ب رێكا سۆشیال میدیایێ نە ئەم ب ڤێ رێكێ داخوازیێن خەلكێ وەردگرین و ل گۆرەی حەزا وان ئەم گولا بۆ وان دورست دكەین د قۆناغا ئەڤرۆ دا گەلەك یا گرنگە ئەم وەكو گەنج پێكۆلان بكەین كو ببینە خودان كارێ خوە یێ تایبەت.
