گرنگە وەزارەتەكا تایبەت ب گەنج و لاوان ڤە هەبیت
ئەڤرۆ
سالار محەمەد دۆسكی:
بەرپرسێ رێكخراوا دهۆك بۆ لاوێن خوبەخش دیار كر، گرنگە بەردەوام خیڤەتگەه بۆ گەنج و لاوان بهێنە ڤەكرن و ل سەر پرەنسیپ و شێوازێن نوكە و سەردەمیانە بۆ وێ چەندێ هزرا لاوێن مە بەر ب پێشڤە بچیت و گۆت: گرنگە وەزارەتەكا تایبەت ب گەنج و لاوان ڤە هەبیت، چونكو وەزارەتا رەوشەنبیری تێرا حەز و ڤیان و ئارەزویێن لاوان ناكەت، دووروبوونا لاوان ژ بەرپرسایەتیەكا راستەوخۆ ل دامودەزگەهان دا بووشایەكا مەزن د ناڤا لاوان و دەستهەلات و حوكمرانیێ دا پەیدا دبیت و نموونە كوچكرنا لاوان و نەرازیبوونا لاوان یا بەردەوامە و ل بەرامبەر وەزارەتا گەنجان ل حوكمەتا عیراقێ هەیە و بەردەوام خزمەتا لاوان دكەت.
ئەحمەد سەعدون، ماوێ پتر ژ 18 سالانە خزمەتا بیاڤێ لاوان دكەت د وارێن جودا دا و نوكە بەرپرسێ رێكخراوا دهۆك بۆ لاوێن خوبەخش بۆ رۆژناما ئەڤرۆ گۆت: ل سالا 2005 دەسپێكا كارێ مە ل گەل لاوان ل سەنتەرێن رەوشەنبیری بوو، ل سالا 2006 رابووین ب دامەزراندنا سەنتەرێ مالتا یێ رەوشەنبیری و ل وان سالان كارەكێ باش بۆ لاوان هاتەكرن و بەردەوام بووین ل گەل هەتا بوویە ل سالا 2007 رابووین ب دامەزراندنا فەرهەنگخانا دهۆك یا گرێدایی ب هزرێن لاوان ڤە و ئەڤە بوو بنیات چەندین بۆ دامەزراندنا چەندین فەرهەنگخانێن دی ل (شاریا، باتیفا، ئامێدیێ، خانكێ).
زێدەتر گۆت: ل وی دەمی فەرهەنگخانە سەر ب وەزارەتا وەرزش و لاوان بوو ل حوكمەتا هەرێما كوردستانێ و ل وی دەمی (تاها بەرواری) وەزیرێ لاوان بوو و رۆلەكێ كاریگەر هەبوو و رۆلەكێ هەرە مەزن بوو دگەشەكرنا لاوان دا ل دەڤەرێ و ب تایبەت ل پارێزگەها دهۆكێ و شێوازێ نوو یێ كاركرنا گەنجان ل وی دەمی دەست پێكر و وەزیری گەلەك پشتەڤانی ل ڤەكرنا خیڤتەگەهان بۆ لاوان دكر ل سەر شێوازێن پێشكەفتی و هەردەم ل دەڤەرەكێ.
سەعدون خویاژی كر، ب ڤی شێوازی گەلەك گۆهورین كەڤتنە هزرێن گەنجان و سەنتەر و مەلبەندێن لاوان یێن نوكە هەمی هزرێن وی سەردەمی بووینە و هەر وی دەمی ژ كەسێن ئێكێ بووین ل سالا 2007 مە دەست ب كارێ خوە بەخشێ كریی ل سەر ئاستێ پارێزگەها دهۆكێ و گەلەك كونفرانس و خول بۆ لاوان ل سەر ئاستێ دەرڤە ل وەلاتێن (ئوردن، لوبنان، سوریا) هاتنە ڤەكرن.
ئەحمەد سەعدوون، چالاكڤان و شارەزا د بیاڤێ لاوان دا زێدەتر گۆت: ل وی دەمی شیاینە ژ ئێكەم كەسان بین ب دانانا رادیۆیەكێ ب ناڤێ (دەنگێ لاوان)، ل سالا 2008 هەتا 2014 و گەلەك گەنج و لاوان پشكداری تێدا كر و هەر هەمی كار ب خوبەخشی هاتەكرن، ل وی دەمی خەلكی یاری ب مەدكرن و نوكە خوبەخشیێ بەردەوامی هەیە و خوبەخشی ل سەر دەمێ كوردەواری دا گەلەك خزمەتا مللەتێ مە كریە وەك (زبارە) ئەف رۆحیەتە هەبوو، لێ ل وی دەمی دا ل ژێر ناڤێ (خوبەخشیێ) مە ساخكرە ڤە و كەسەكێ باوەرنەدكر كو دێ ئەڤ كارە ب ڤی رەنگی هێتەكرن.
هێشتا گۆت: گرنگە وەزارەتەكا تایبەت ب گەنج و لاوان ڤە هەبیت، چونكە وەزارەتا رەوشەنبیری تێرا حەز و ڤیان و ئارەزویێن لاوان ناكەت، دووروبوونا لاوان ژ بەرپرسایەتیەكا راستەوخۆ ل دامودەزگەهان دا بووشایەكا مەزن د ناڤا لاوان و دەستهەلات و حوكمرانیێ دا پەیدا دبیت و نموونە كوچكرنا لاوان و نەرازیبوونا لاوان یا بەردەوامە و بەرامبەر وەزارەتا گەنجان ل حوكمەتا عیراقێ هەیە و بەردەوام خزمەتا لاوان دكەت.
ئەحمەد سەعدوون ئەو ژی گۆت: هزر و ڤیانێن گەنجان سنور نینن و گەلەك خواست و داخازی هەنە و كەسەك نەشێت حەز و ڤیانێن گەنجان تێر بكەت، یا ژ هەمیان باشتر ئەوە نێزیكبوون و گوهداری یا گەنجان بهێتەكرن و ب مخابنی ڤە باوەری ب شیانا ناهێتەكرن و رەنگە لاوەك بەرپرساتیەكێ وەربگریت و رەنگە ئەو دەلیڤە بۆ ناهێتە روخساندن، چونكو ئەو هزرێن لاوی نە یێن وی دەمی یا نوكە نە.
هێشتا گۆت: ڤەكرنا خیڤەتگەهێن لاوان گەلەك گرنگیا خوە هەیە، چونكە تێكەلیێن كەلتوری و زمانی و رەوشەنبیری و جڤاكی دناڤبەرا گشت لاوان دا پەیدا دبن و دبنە هوكارێ ئاڤاكرنا لاوەكێ بەرهەمهێنەر و ئاڤاكەر د جڤاكی دا، پشتی فەرهەنكخانا دهۆك نەمای ناچار بووین رێكخراوەكێ ب ناڤێ لاوێن خوبەش ب دامەزرینین و ب ڤێ رێكخراوێ شیاین پەیوەندیێن خوە باش بەرفرەه بكەین و هەتا ل گەل رێكخراوێن ناڤدەولەتی ژی و شیاین ب ڤێ پشتەڤانیێ ل دەمێ هاتنا ئاواران و پەنابەر گەلەك خیڤتگەهێن پێكڤە ژیانێ ڤەكەین.
ب گرنگی ژی زانی وەزارەتەكا تایبەت ب گەنج و لاوان ڤە هەبیت، چونكە وەزارەتا رەوشەنبیری تێرا حەز و ڤیان و ئارەزویێن لاوان ناكەت، دووروبوونا لاوان ژ بەرپرسایەتیەكا راستەوخۆ ل دامودەزگەهان دا بووشایەكا مەزن د ناڤا لاوان و دەستهەلات و حوكمرانیێ دا پەیدا دبیت و نموونە كوچكرنا لاوان و نەرازیبوونا لاوان یا بەردەوامە و بەرامبەر وەزارەتا گەنجان ل حوكمەتا عیراقێ هەیە و بەردەوام خزمەتا لاوان دكەت.
ل دووماهیێ بەرپرسێ رێكخراوا دهۆك بۆ لاوێن خوبەخش گۆت: د دەمەكی دا پتر ژ 60 سەنتەرێن رەوشەنبیری ل سەر ئاستێ پارێزگەها دهۆك هەبوون و پتریا ڤان سەنتەران هاتینە گرتن و ئەڤە زیانەكا گەلەك مەزنە، چونكە نابینم ل سەر ئاستێ حوكمرانیا مە جهەك هەبیت لاو بچن گازندێن خوە بگەهینێ و باشترە دەرگەهەك بۆ بهێتە ڤەكرن كو گلە و گازندێن خوە بگەهینێ، هكە جهەك نەبیت گەنج بیت بچیت ئارەز و و ڤیانێن خوە دیار بكەت دێ نە چار بن بچنە هندەك كاران دور بن ژ رەوشتێن جڤاكی، گرنگە دەرگەه ل گەنجان بهێنە ڤەكرن نوكە گەنج بووینە بومبەكا تاقیكری و دڤێت نێزیكبوونا دەستهەلاتێ ل گەل لاوان و گەنجان هەبیت.
