گرنگە ژن ژی وەكو زەلامان كاربكەن
سندس سالح سلێڤانەیی:
دایكا شانایێ، خانمەكا خەلكا دهۆكێ یە، ئەڤە بۆ دەمێ پتر ژ پازدە سالانە كارێ دیزاین و كەركرن و دروینا جلكێن كوردی یێن ژنان دكەت و دبێژیت ئەڤ كارە حەزا من بوو، هەروەسا داهاتەك ژی بۆ من پێڤە دهێت.
ناڤهاتی، د دیدارەكێ دا بۆ رۆژنامەیا ئەڤرۆ دبێژیت: دژیەكێ یچووكدا من حەزژ كارێ دروینێ دكر و نوكە من شیان هەنە چەندین جۆرێن دیزاینان بۆ جلكێن كوردی، هەروەسا یێن عەرەبی ژی چێكەم و ژبەركو حەزا من بوو داهاتەك ژی بۆ من ژێ دهێت و دشێم هاریكاریا مالا خوە بكەم، لەورا دبێژم گرنگە ژن ژی وەكو زەلامان كاربكەن و من كچەكا بچووك هەیە ئەو ژی حەزژ ڤی كاری دكەت و دێ وێ ژی فێركەم.
