گرۆپه‌كێ قوتابیێن دهۆكێ سابۆنه‌كا خۆمالی چێكرن
دهۆك، نه‌وزاد هلۆری:
ئاماده‌یا شالین یا كچان ل دهۆكێ، دوهی 20/11/2022 پێشانگه‌هه‌كا زانستی و داهێنانێ بۆ قوتابیێن خوه رێكخست و گرۆپه‌كێ قوتابیان سابۆنه‌كا خۆمالی چێكرن.
دیمه‌ن ئیسماعیل، ئێك ژوان قوتابیانه یێن پشكداری د چێكرنا وێ سابۆنێ دا كری، بۆ رۆژناما ئه‌ڤرۆ گۆت: پێكهاته‌یێ ڤێ سابۆنێ ژ زه‌یتا زه‌یتۆنان و قه‌هوێ پێك دهێت، پشتی دهێته ب كارئینان ئه‌ڤ سابۆنه ناهێلیت تشێ مری ل سه‌ر پیستێ مرۆڤان بمینیت.
وێ قوتابیێ گۆت: ڤه‌كرنا ڤان جۆره پێشانگه‌هان ل هه‌موو قوتابخان ئه‌ز ب تشته‌كێ گرنگ دبینم، چنكو قوتابی دێ هزرا خوه د داهێنانێ دا كه‌ت، له‌ورا هیڤی خوازم ئه‌ڤ چالاكیه د به‌ردوامبن.
