گرۆپه‌ك كه‌لوپه‌لێن ب كارهاتی دكه‌نه دیاری
زاخۆ، عه‌لی حاجی:
سیدرا فه‌رهاد، كچه‌كا باژێرێ زاخۆیه، د دیداره‌كێ دا بۆ رۆژناما ئه‌ڤرۆ دیاركر كو ب رێیا تیمه‌كێ كو ژ چه‌ند كچ و كورێن موسلمان و مه‌سیحی پێك دهێت ئه‌و كه‌لوپه‌لێن ب كارهاتی كو ئه‌وێن ژینگه‌هێ تێك دده‌ن دوباره ب كار دئینن و هنده‌ك تشتێن نوو ژێ دروست دكه‌ن. سیدرایێ گۆت: ب رێیا تیمه‌كێ كو ژ چه‌ند كه‌سه‌كان پێك دهێن ئارمانجا مه یا سه‌ره‌كی ئه‌وه چه‌ند گوهۆڕینان دناڤ جڤاكی دا بكه‌ن له‌وما ب رێیا كچه‌كا ئه‌نداما تیما مه بناڤێ ماریایێ كو ئه‌و كه‌ره‌سته‌یێن هاتینه هاڤێیتن وه‌كو پلاستیكی و بوتلێن ئاڤێ سه‌رباری هندێ كو ئه‌و كه‌ره‌سته بۆ ژینگه‌هێ گه‌له‌ك خرابن به‌لێ ئه‌و كه‌ره‌سته مه دوباره ب كار ئینانا ب رێیا 700 بوتلێن ئاڤێ مه داره‌كا كریسمسێ دروست كر و ب هه‌لكه‌فتا جه‌ژنا مه‌سیحیان ئه‌و داره پێشكێشی دێره‌كێ كر ل باژێرێ زاخۆ، زێده‌باری هندێ ژی كو مه ژینگه‌ه پاراست و مه شیا كاره‌كێ جوان بكه‌ین له‌وما مه دڤێت دوپات بكه‌ین ئه‌م دشێن دوباره مفایی ژ وان كه‌لوپه‌لان بكه‌ین یێ كو هاتینه ب كار ئینان و ئه‌م دخوازین ب رێیا چالاكیێن خوه ژی پێكڤه ژیان ل زاخۆ موكمتر لێ بهێت و هه‌تا راده‌كێ ژلایێ رێكخراوان ڤه پشته‌ڤانی ل مه دهێته كرن به‌لێ ژ روویێ جڤاكی ڤه هنده‌ك رێگری ل مه دهێته كرن، به‌لێ ئه‌م دێ بزاڤێ كه‌ین دیتنا جڤاكی ژ نه‌رێنی بكه‌ینه ئه‌رێنی.
