گرۆپێ سەماکاران ل کوردستانێ ھاتە دامەزراندن
ئەڤرۆ نیوز:
بۆ جارا ئێکێ گرۆپەکێ ھونەریێ سەمایێ ل کوردستانێ ھاتە دامەزراندن کو بنگەھێ وێ دکەڤیتە پارێزگەھا سلێمانیێ و ماوێ بوری دا چەندین بزاڤ ئەنجام داینە.
سامان کەریم بەرپرسێ گرۆپێ سەمایێ ل کوردستانێ دیارکر کو گرۆپێ وان بناڤێ بەفرا سپی یە، بۆ بەرپەرێ ھونەریێ رۆژناما ئەڤرۆ گۆت : وەکو دەستپێشخەریەک بۆ ئێکەمین جار مە گرۆپەکێ ھونەریێ سەمایێ و سترانێ ل کوردستانێ دامەزراند کو نوکە بتنێ ل سنوورێ پارێزگەھا سلێمانیێ ئەم چالاکیێن خوە ئەنجام ددەین .
ھێشتا گۆت : ئەڤە چەندین سالە مە ئەندامەتی د چەندین گرۆپێن سەمایێ یێن ئەورۆپی و تورکی دا ھەیە، ل ئیرانێ ژی مە گەلەک ھەماھەنگی ھەبووینە، ژ ڤەرێژا ئەوان چالاکییان مە ڤیا ل کوردستانێ ژی چالاکیێن خوە ئەنجام بدەین و ژ بەرڤێ چەندێ وەکو دەستپێشخەریەک مە ئەڤ گرۆپە دامەزراندن و بەلێ داخوازی لسەر ھەبیت دکارین ل ھەولێرێ دھۆکێ ژی چالاکیێن خوە ئەنجام بدەین، گۆتژی: مە چەندین ئەندام ھەنە، بەلێ سێ ژ وان د سەرەکی نە کو ئێک ژ وان سەماکەران ھەڤژینا منە و ئەز ئەڤێ یەکێ زۆر نورمال دبینم و پێدڤی یە جڤاکێ مە ژی ب نورمالی ببنیت و ئەڤە نیشانا دیموراسیێ یە، و پێدڤی یە جڤاکێ مە ب سینگەگ بەرفرەە وەربگرن ژبەرکو ئەڤ ل ھەموو جیھانێ ھەی و ل ھندەک جھان خواندنگەە بۆ پێگەھاندنا خەلکی یێن ھەی.
