گرۆپەکێ شێعێن عیراقێ کەفا ل ئەمریکا دکەت
ئەڤرۆ نيوز:
کەتیبێن حزبوللا یا عیراقێ کو سەرب ئیرانێ ڤە یە، گەفێن توند ل ھەبوونا بنگەھێن ئەمریکی ل عیراقێ کرن، ھەکە وەلاتێ ئیسرائیل بنگەھێن حزبوللا ل عیراقێ تۆپ بارانکرن، ھەروەسا ئاماژە دا ھندێ ئەمریکا دڤێت وەلاتێ ئیرانێ ل دەڤەرێ دوورپێچ بکەت.
پەیڤدارێ بناڤێ حزبوللا یا عیراقێ، محەمەد محیی د ھەڤدیتنەکێ دا ل تلفزیونا میادین کو سەر ب رژێما بەشار ئەسەد ل سووریا یە، گۆت: “ب دوور نابینم ئیسرائیل بنگەھێن مە ل عیراقێ تووپباران بکەت، ھەروەسا داخواز ژ بەرپرسێن فەرمیێن عیراقێ کر بەرسڤەکا باش بۆ ھێرشکرنا ئیسرائیل ھەبیت”.
محەمەد محیی ل دۆر ھەبوونا ئەمریکا ل عیراقێ گەفکرن و گۆت: “ھەر ھێرشەکا ھەبیت ئەمریکا یا گونەھبارە و دێ بەرسڤەکا توند بۆ ئەمریکا ل عیراقێ ھەبیت.”
بەرێ رۆژا شەمبیا بۆری رۆژنامەکا کوێتی ھندەک وێنە کو ل ئەسمانی ھاتینە گرتن بەلاڤکرن، کو ئەو ێنە بنگەھێن حزبوللا بوون، وەلاتێ ئیسرائیل خستینە دناڤا لیستا ھێرشێن خوە دا، کو بھێنە ژناڤبرن، ب بھانەیا ئەو بنگەھێن ل عیراقێ بکارێ ڤەگۆھاستن و ھاریکاریا چەکی بۆ وەلاتێ سووریا و حزبوللایا لوبنانی دکەن.
بنگەھێن ھاتینە وێنەکرن، ل سەر سنۆرێ وەلاتێ ئیرانێ نە، وەک (مەھران و پاشماغ و شەلامچە و سنۆرێ بەسرا یێ نێزیکی کوێت و ئیرانێ).