گرۆپەکێ نوی یێ خوینێ دهێتە تومارکرن
ژنەکا فرەنسی ل گزیرتا گوادلوب هاتە دەستنیشانکرن کو وێ ب تنێ گرۆپەکێ خوینێ یێ هەی و ناڤێ وێ کرە گرۆپێ گوادانێگەتیف.
ل دویڤ گۆتنێن بەرپرسەکێ دەزگەهێ خوینێ ل فرەنسا و راپۆرتەکا رادیویا فرانس ئینتر کو ل دەستپێکا سالا 2011 دژەلەشەکێ دەگمەن و نەنیاس دناڤ خوینا وێ ژنێ دا هاتیە دیتن، بەلێ گەلەک ڤەکۆلین لسەر نەهاتنەکرن.
تیری بیرار، زانایێ زانستێ پزیشکی و دەرمانسازی دیاردکەت کو سالا 2019 شیان وی جورێ خوینێ دەستنیشان بکەن، بەلێ ب فەرمی ل دەستپێکا هەیڤا بووری ژلایێ کۆمەلا نێڤدەولی یا ڤەگۆهاستنا خوینێ هاتە پەسەندکرن.
ئەو ژن نەشێت خوینێ بدەتە کەسێ و نەشێت ژ کەسێ ژی وەربگریت، بەلێ هندەک گرۆپێن دی هەنە راستە د دەگمەنن بەلێ پیچەک نێزیکبوون یا هەی دگەل خویشک یان برایێن خۆ، ژبەر هندێ ئەڤە ئێکەمین گرۆپێ خوینێ یە ب ڤی شێوەی ل جیهانێ دهێتە تومارکرن.
