گـرنگیا ستیكـه‌رێ KMCA ل سـه‌ر ده‌رمـانان
پروسیسا ستیكه‌رێ KMCA ل سه‌ر ده‌رمانان و كه‌ل و په‌لێن پزیشكی دێ كاریگه‌ریێن باش هه‌بن ل كه‌رتێ ساخله‌میا عیراقێ و ب تایبه‌تی هه‌رێما كوردستانێ ژبه‌ر گه‌له‌ك ئه‌گه‌رێن گرنگ. ستیكه‌رێ KMCA پارچه كاغه‌زه‌كا موگناتیسیا بچویكه و گەلەک رێك و پێكه، دنوكه دا ل سه‌ر هه‌می ده‌رمانان و پێداویستێن پزیشكی دهێته دانان ژلایێ كوالیتی كونترولا ده‌رمانان ڤه ل هه‌رێما كوردستانێ ل سه‌ر ڤی ستیكه‌ری گه‌له‌ك پێزانینین گرنگ هه‌نه وه‌ك بهایێ ده‌رمانی و ناڤێ ده‌رمانی و پێزانیننێن دی یا ژ هه‌میێ گرنگتر ئه‌ڤ ستیكه‌ره پێك دهێت ژ پارچه‌كا بچویك یا موگناتیسی و برێکا ڤێ پارچێ هه‌ر كه‌سه‌ك دشێت خۆ پشتراست دکەت ژ دروستیا هه‌ر ده‌رمانه‌كی برێکا ئامیره‌كێ بچویك تایبه‌ت بڤی ستكه‌ری و ئه‌ڤ ئامیرێ بچویك نوكه ل به‌رده‌سته ل هه‌می ده‌رمانخانان، هه‌روه‌سا هه‌ر ده‌رمانه‌كێ QRcode خۆ یێ هه‌ی هه‌ر كه‌سه‌ك دشێت پێزانینێن سه‌ر ده‌رمانی وه‌رگریت ب رێیا موبایلا خۆ یا زیره‌ك و هه‌كه دودلیه‌ك هه‌بیت ژ دروستیا هه‌ر ده‌رمانه‌كی بكڕ دشێت په‌یوه‌ندیێ ب كونترولا جورێ بكەت ب رێکا وێ ژمارا د QRcode دا.
هنده‌ك ژ گرنگیێن ڤی ستكه‌ری بو داهاتی؛
خالا ژ هه‌میان گرنگتر و ب دلێ خه‌لكی ئێك بهایا ده‌رمانی یه ل سه‌رانسه‌ری هه‌رێمێ.
ب ڤێ رێكێ هیچ كه‌سه‌ك نه‌شێت بازارێ ده‌رمانی د به‌رژه‌وه‌ندیا خۆ دا ب كاربینت و ئێك بهایێ ده‌رمانی ل بازارێ هه‌ریمێ كاریگه‌ریێن ئابوری یێن باش دێ هه‌بن ل ناڤ چڤاكی و نه‌خۆش دێ شێت ب دله‌كێ ئارامتر و بێ دودلی ب ئێک بها ده‌رمانێ خۆ ژ هه‌ر ده‌رمانخانه‌كێ بكریت.
خاله‌كا دی یا زورا گرنگ یا ستیكه‌رێ KMCA كوالیتی یا ده‌رمانییه و ژێدەرێ وی یێ دروست تاكو ده‌رمانه‌ك بهێتە ستیكه‌رکرن كومپانیا ڤی ده‌رمانی دڤێت گه‌له‌ك به‌لگه‌یێن گرنگ بینیت ژ كارگه‌ها ژێ هاتی و ب ڤێ رێكێ پشتراست دبیت ژ كوالیتیا ده‌رمانی و ئه‌ڤ چه‌نده دێ مه دویرکەت ژ ده‌رمانێن نه دروست و ساخله‌مییه‌كا باشتر ده‌ت نه‌خوشێن مه و ل داهاتی تووشی كاریگه‌ریێن خراب یێن ده‌رمانێن نه‌دروست نابیت.
ئه‌ز وه‌كو دكتوره‌كێ ده‌رمانساز د وێ باوه‌ریێ دا مه كو هه‌بوونا ڤی ستیكه‌ری دێ كاریگه‌ریێن ئابۆری و ساخله‌می یێن باش هه‌بن ل داهاتێ عیراقی و تایبه‌ت هه‌رێمێ.
