گـرنگیا کـەڤـەرى بۆ تلـەفـۆنێ
سندس سالح:
کەڤەرێ تلەفونێ نە ب تنێ بۆ جوانکرنا تلەفونا تەیە، لێ ب ره‌نگه‌كێ سەرەکی بۆ پاراستنا وێ یە ئەڤ ئامیرێ بهادار پێدڤی ب پاراستنەکا زێدە هەیە ژ بەر کو گەلەک ب ساناهى دشکێن یان خراب دبن.
کەڤەر دشێت تلەفونا تە ژ چەند مەترسیان بپارێزیت. ئێک ژ وان، کەفتنە. دەمێ تلەفون دکەڤیت، کەڤەر دبیتە بەرگريكارێ ئێکێ و دشێت زیانێن گەلەک کێم بکەت. گەلەک جاران، دەمێ تلەفون دکەڤیت، ئەو جهێ دکەڤیت دشکێت و کەڤەر دشێت تلەفونێ ژ شکەستنێ بپارێزیت.
خالەکا دی، کەڤەر دشێت تلەفونێ ژ ئاڤێ ژی بپارێزیت. هندەک کەڤەر هەنە تایبەتن و دشێن تلەفونێ ب تەمامی ژ ئاڤێ بپارێزن، ب تایبەت بۆ وان کەسێن کو د ناڤ کاری دا دەست و پێن وان گەلەک تەر دبن یان د جهێن ئاڤی دا کار دکەن.
هەروەسا، کەڤەر دشێت تلەفونێ ژ گەرماتیێ ژی بپارێزیت. گەرماتیا زێدە دشێت کار ل پاتریێ و پارچێن دی یێن تلەفونێ بکەت. کەڤەر دشێت ببیتە بەرگريكارەک دژی گەرماتیێ.
کەڤەر هەروەسا دشێت تلەفونێ ژ خرابیێن دی ژی بپارێزیت، وەکو خرابیێن بچووک یێن رۆژانە و خرابیێن ژ گەرد و تۆزێ.
گرنگە تو کەڤەرەکێ باش هەلبژێری. کەڤەرێن باش دشێن تلەفونێ ژ کەفتنێن بلند ژی بپارێزن. جۆرێن کەڤەران گەلەکن، ژ یێن نەرم یێن وەکو پلاستیکی هەتا یێن رەق یێن وەکو مەعدەنی.
هەکە تلەفونا تە یا گرانبها و نوویە، دشێی بهایێ زێدەتر بدەی بۆ کەڤەرەکا باشتر. ئەو پارێ تو بۆ کەڤەرێ ددەی د هەقیقەت دا سەرمایەگوزاری یەکە، چونکو دێ تلەفونا تە پارێزیت و دێ تەمەنێ وێ درێژتر کەت.
ب کورتی، کەڤەر نە ب تنێ بۆ جوانکرنا تلەفونێ تەیە، لێ بۆ پاراستنا وێ ژی یا گەلەک گرنگە. پێدڤیە تو کەڤەرەکێ باش بۆ تلەفونا خوه هەلبژێری دا کو بشێی وێ ژ هەموو خرابیان بپارێزی.
