گـرنگیدان ب زاڕۆیـان وەكو ئـەرك
رۆزان سامی عوبەید
خۆیایە كو دایكوبابان ڕۆلەكێ هەرە گرنگ دپەروەردەكرنا زارۆكان دا هەیە، كارتێكرنێن دەروونی و هـزری و ڕەفتاری ل دەڤ زارۆكی پەیدادبن د قۆناغێن دەستپێكا ژیێ زارۆكی دا كەسایەتییا وی دروست دبیت.پێدڤیە گەلەك بزاڤ ژ لایێ دایك و بابان ڤە بۆ بەرهەڤكرنا ژیانا ئاڤاكەر ژبۆ زارۆكێ خۆ بهێنەدان. ژئەوان گرنگترین رۆلێن دایكوبابان پێشكێشی زارۆكێن خۆ دكەن، زارۆكێ خۆ فێری هەست ب هەبوونا خۆ بكەت، هەروەسا ڕۆلێ بەرپرسیارەتیێ ل دەڤ پەیدابكەت. بۆ نموونە: زارۆكێ خۆ فێربكەت چاوا خوارنێ بخۆت؟ دیسا چاوا ژۆرا خۆ ب جوانترین شێوە ڕێكبئێخیت.
هەلبژارتنا زارۆكی بۆ هەر بیاڤەكێ ئەرێنی د ژیانا وی دا، گەلەك گرنگە هـەلبژارتنا زارۆكی بهێتە وەرگرتن ڕەنگە بەروڤاژی ڤێ چەندێ زارۆك دێ هەست ب كێماسیێ كەت، چونكی زارۆكی ژی هەلبژارتن هەنە، وەكی هەر تاكە كەسەكی د ژیانێ دا، دەیك و باب گرنگە زارۆكێ خۆ هەمبێزبكەن، هەروەسا حەزژێكرنێ پێشكێشی زارۆكێ خۆ بكەن، فێری ڕێزگرتنێ بن،هەول ژ بۆ زاڕۆكی بهێتەدان داكو زارۆك ڤالانەبیت د ژیانێ دا، بەلكو بەرهەمهێنەر د جڤاكێ دا داهێنەر بیت، پالدەرێن سەرەكی بن ژبۆ زارۆكێ خۆ، دیسا یاریكرن دگەل زارۆكی پەیوەندییا نێزیكبوونێ پەیدا دبیت. ئەم ژبیرنەكەین یا هەڤالینیێ ژی، چوونا زارۆكی د ناڤ سروشتی دا فشارێن دەروونی ل سەركێم دبن هەست ب ئارامیا دەروونی دكەت. نابیت زارۆك بهێتە پاشڤەبرن ل دەڤ هەڤالان یان ناسیارێن وی،
چونكی زارۆك یێن د قۆناغێن هەستیار دا، دێ جوانتربیت و ساخلەم تربیت كو تو بتنێ ل گەل زارۆكێ خۆ باخڤی.
(زارۆك د سروشتێ خۆ دا حەز ژگرنگیدانێ دكەت، هونەرێ گرنگیدانێ ل دەڤ پەیدابكەن). وەسا سەرەدەریێ ل گەل زارۆكێ خۆ بكە وەك پالدەرەك بەرێخۆدانێ بۆ بكە نەوەك بیانیەك (دەمێ زارۆك د ئاخڤیت گرنگە دایك وباب گوهداڕێن باشبن بۆ زارۆكێ خۆ، چونكو زارۆك د وی دەمی دا هەست ب ئێمناهیێ دكەت هەست ب هەبوونا خۆ د ناڤ خێزانا خۆدا دكەت.
ئەگەر بدەینەدیاركرن دویڤچوونا زارۆكی ل دۆر هەر ئاستەنگەكێ یان ئاریشەیەكا ئەو دكەڤیتێ بهێتە چارەسەركرن، بەروڤاژی ڕەنگە زارۆك كەسایەتیا خۆ ژدەست بدەت.
زارۆكێ خۆ پشتگوه نە هاڤێژە،پێشتەڤانێ سەرەكی بە ژبۆ زارۆكێ خۆ ئاخڤتنێن دلخۆشكەر پێشكێشی زارۆكێ خۆ بكە، گرنژینێ ل دەڤ پەیدابكە،پشتگوه هاڤێتنا زارۆكی وەل ژیانا زارۆكی دكەت بەرەڤ كارێن نەرێنی ڤە ببەت.بۆ نموونە كاریگەییا د جڤاكا مەدا نەدروست بكارئینانا سۆشیال میدیایێ. دیسا زارۆكی هیڤیێن ئاڤاكەر هەبن، زارۆكێ خواندەوار و مێشك ڤەكری كەسایەتییەك كاریگەر دێ هەبیت.
