گــرێیەكا 5.4 كگـم ژ زكــێ نەخـۆشەكـێ هـاتە دەرێخستن
د.شیمال عبدالواحد رێكانی، تایبەتمەندێ نشتەرگەریا گشتی دیاركر، گرێیەكا ٤,٥ كلگم ل زكێ نەخوشەكێ دا هاتەراكرن و گۆت: پشتی چێبوونا گرێكەكا مەزن د زكێ ژنەكێ دا، ب سەركەفتیانە ب رێكا نشتەرگەریێ هاتە راكرن.
هەروەسا دیاركر كو ئەڤ گرێكە پەنجەشێرا مالهێلكێ یە، كو ل رێزا سیێ دهێت ل پەنجەشێرێن گرێدایی ب ژنان ڤە و گۆت: تێگەهشتن و زانین چەكەكێ بهێزە بو دژایەتیا پەنجەشێرا مالهێلكێ، چونكو هەبوونا زانیاریان ل سەر ڤێ پەنجەشێرێ گەلەك یا گرنگە كو دێ هاریكاربیت د قوناغێن دەستپێكێ دا بهێتە دەستنیشانكرن، كو باشترین هیڤیە دا نەخوش بهێتە رزگاركرن.
دەربارەی نیشانێن وێ، د.شیمال رێكانی گۆت: نیشانێن ئەم بەحس ژێ دكەین دبیت ل بەر هندەك ئەگەرێن دیترێن ژبلی پەنجەشێرێ پەیداببن، لێ مەبەست و داخازیا مە ئەوە دەمێ ئەڤ نیشانە بو دەمێ چەند حەفتیەكا ل نك تە ڤەدكێشن سەرەدانا نۆشدارەكێ تایبەتمەند بكەی دا ل تەندروستیا تە پشتراست ببیت و ب باشی دووڤچوونا ئەگەرێ ڤان نیشانا بكەت، ژ بەربەلاڤترین نیشانان كو دبیت ئاماژە بن بو پەنجەشێرا مالهێلكێ دەفیان و وەرمین د زكی دا، ئێشان د بنێ زكی و حەوزێ دا، نەمانا حەزا خارنێ، زووكا تێربوون، تێكچوونا كارێ رووڤیكا، تێكچوونا هاتنا دەستئاڤا زراڤ.، دابەزینا كێشا لەشی یا بێ حەزا نەخوشی، زووكا وەستیان و ماندیبوون و دیتنا خوینێ ژبلی عادەیا هەیڤانە.
