گـۆتـارا مە و گـۆتـارا وان
د. ئەرشەد حیتۆ
ئەڤرۆ گۆتن و بلندكرنا درووشمان ل دژایەتیكرنا پارتی دیموكراتی كوردستان، ژ لایێ وان هەمی پارت و رێكخراو و كەسایەتیێن پشكداری هەلبژارتنێن پەرلەمانێ ئیراقێ دبن، گرۆڤێ نەبوونا پرۆژە و دیتنەكا نەدیار و بەرزەیە بۆ پاشەرۆژا گەلێ كورد.
لەو پارتی دیموكراتی كوردستان ب سەركردایەتییا مێژوویی و رێبازا وێ یا واقعبینانە و دیرۆكا وێ یا پڕ سەروەری و فیداكاری كو ب خوینا شەهیدان تۆماركریە، كو دوژمنێن پارتی ژی نەشێن حاشاتیێ ژێ بكەن؛ دێ هەر مینیت، ئالا هەلگر و فیداكارێ گەلێ خۆ تاكو گەمیا كوردستانێ بەر ب كنارێن ئێمناهیێ ببەت.
پارتی دیموكراتی كوردستان ب درووشمان نا ئاخڤیتن، بەلكو گۆتنا دكەتە كریار. پارتی حوكمەتەك دەزگەهی ئاڤاكریە، پارتی ل دژی تیرۆر و تیرۆرستان راوەستیایە و شكاندینە و كەرامەتا كوردستانیان دسەختترین كاودانا دا پاراستیە، پارتی هەردەم هەلگرێ پرۆژێ ئێكرێزییا گەلێ كوردە.
ئەم ئەو حزبین یێن كو بیڤەلەرز و باهۆزا ئەم نەچەماندین، ئەم كورێن بارزانی و شۆرەش و شەرەفێ نە، ئەم ئەو حزبین كو چ جارەكێ مە سازش ب خوینا شەهیدێن كوردستانێ نەكریە، دنكەكا ئاخێ ژ ئاخا پیرۆزا كوردستانێ دەست ژێ بەرنەدایە وژێ بەرنادەت.
د هەر قۆناغ و قەیرانەكێ دا پارتی دیموكراتی كوردستان ل بەراهییێ بوو.
دەمێ ئەو دبێ دەنگ، پارتی دئاخفتن.
دەمێ ئەو ان پاشەكشی دكر، پارتی پێشڤە دچوو. دەمێ ئەوان بەوسەلە بەرزەكری، پارتی ئاراستە بوو. پارتی دیموكراتی كوردستان، گەرەنتیا سەقامگێریێ یە، گەرەنتیا پاراستنا ناسنامەیا كوردییە، گەرەنتییا گەشەكرن و ئاڤەدانیێ یە.
لێ گۆتارا وان، هێرشكرنەكا بەردەوامە ل سەر سەربۆرا حوكمەتێ، و گەشەكرنا ململانێن ناڤخۆیی یە ژپێخەمەت ب دەستڤەئینانا هندەك دەستكەفتیێن دەمكی.
ئەو خۆ ژبیر دكەن كو هەلوەستێن كوردینیێ ب بهایەكێ ئەرزان فرۆتین، یان ئەوێن ئۆلێ پیرۆزێ ئیسلامێ دكەنە مەتاڵ ژبۆ چەند دەستكەفتیان كو ئەو ب خۆ د ململانەكێ دا دژین د ناڤبەرا هیڤیێن ئۆلی و پێدڤیێن كەتوارێ مەدەنی؟ یان ئەوێن دیتنا وان ژبۆ ب دەستڤەئینانا كورسیەكێ دویرتر نەبینیت، یان ئەوێن بێ بەرنامە و پلان و پرۆژە كو بۆ هەر تشتەكی بتنێ د سەنگەرێ نەرازیبوونێ دانە، یان ئەوێن نەشێن چ جارەكێ ل هەڤبەری پارتی ودەستكەفتێن وێ راوەستێتن؛ لەورا بەردەوام رەخنێن بێ بنەما دگرن.
گۆتارێن وان بتنێ درووشمێن بریقەدارن، پرۆژەك نینە پێشكێش بكەن، بتنێ پرۆژێ وان ب هەماهەنگی دگەل نەحەزێن كوردان؛ لاوازكرن و سڤكاتیكرنە ب دەستكەفتیێن ستراتیژی یێن حوكمەتا هەرێما كوردستانێ.
گەلی دەنگدەرێن هێژا و خۆشتڤی: ما چیا ب سیبەرێ دهێتە هەڤبەركرن؟
ما تشتێ خۆجه و خۆرستی ب تشتێ لڤلڤۆك دهێتە هەڤبەركرن؟ ما هەلگرێ پرۆژان ب هەلگرێ پەیڤان بتنێ دهێتە هەڤبەركرن؟
بتنێ هوینن ئەی دەنگدەرێن هەلوەست نەگۆر سۆزا خۆ ل گەل پارتی دیموكراتی كوردستان و هەلبژارتنا لیستا (٢٧٥) ل سندۆقێن دەنگدانێ نویكەنەڤە.
قۆناغا داهاتی ژ مە هەمیان دهێتە خواستن كو ل ئاستێ بەرپرسایەتیێ بین، چونكو هەلبژارتن نە د ناڤبەرا چەند حزبەكا دایە؟ بەلكو د ناڤبەرا پرۆژەیێ دۆزەكێ و پرۆژەیێ بەرەلایێ دایە. دەستنیشانكرنا چارەنڤیسێ تە، مەزنترین بەرپرسایەتییە بۆ تە و مالاتە و وەلاتێ تە.
پارتی هەلگرێ دیتنەكا درێژخایەنە، بەرنامەكێ گشتگیرە، درێژاهییا دەزگەهێن وێ یێن راستەقینە ژهەولێرێ دەستپێدكەت و تا دویرترین خال ل كوردستانێ.
پارتی دیموكراتی كوردستان، درێژەپێدانەكا سرۆشتی یە بۆ خەباتا بارزانیێ نەمر و سەرۆك (مەسعود بارزانی) زامنێ راستەقینەیێ پاشەرۆژا كوردستانێ یە د ئیراقەكا فرەلایەنی و فیدرالی و دیموكراسی دا.
