گـەلـێ کـوردستانـێ سەبر یـا هـەی بـەلـێ نـە یـا ئـەیـووبـی!
عەمەر هەرگۆشی
وەکی ئەم دبینین کوردستان یا د رەوشەکا ئابۆری یا سەخت دا دب٩ریت و هەروەسا گرفتێن پێکئینا حوکمەتێ و جوداهیێن د ناڤبەرا لایەنێن سیاسی دا
کێشەیێن مەزنتر لێکرین، گەلەک گرفت و کێشەیێن هەلاویستی دا شێن ب ئێکرێزی و تەبایێ چارەسەرکەن، مخابن ئەڤرۆ خەلک یێ گلەیان دکەن و هیڤییا چارەسەریێن ب لەز ژ دەسەڵاتێ دکەن، گومان تێدا نینە کو بارا پتر یا خەلکێ کوردستانێ ژی رویێ خۆ یێ ل پارتی کری و هەمی هیڤیێتمن خۆ ب پارتی دسپێریت، لەوما پارتی ژی گەرەکە ژ هەمی لایەنێن دیتر ڤە وەک هەرجار ملێ خۆ بدەتە بەر و ل چارەسەریێن بنەرەتی بگەریێن و گرفتێن بلەز یێن خەلکێ کوردستانێ ل دویڤ میکانیزمەکا تازە بێنە چارەسەرکرن، ئەڤرۆ خەلکێ کوردستانی یێ پارتی دبینیت و خودایێ مەزن و خەلکی متمانە یا ب پارتی کری و ب مافێ خۆ دزانن. ل تەنگاڤیان گللەیێن خۆ بۆ پارتی بێژن، چونکو وەک بۆ خەلکیژی دیار بوویە ئەڤێ ملێ خۆ ژدل دابیتە بەر کوردینیێ و پاراستنا خاکا کوردستانێ و بەرژەوەندیێن گەلێ کوردستانی، هەر پارتی بوویە و ئەو چەندە ژ بۆ هەمی خەلکێ کوردستانێ یا خۆیایە، بەس دیسا خەلکێ کوردستانێ ژیان دڤێت و دخوازن بلەز حوکمەت بێتە پێکئانین و دەستان ل سەر گرفت و پێتڤیێن خەلکی دانن و ڤێ قۆناخا سەخت ب هاریکاریا هەمی لایەکی دەرباز بکەن.
بێگومان گرفتا مووچەی ئاریشە یا ئێخستیە د ناڤ هەمی مالەکێ دا و هەر کەس دزانیت کو پارتی ژ هەمی لایەنەکی دیتر پتر خەما ل مووچەی خواری و ژ هەمیان ژی ماندیترە کو چارەسەریا مووچەی بکەت، ل سەر وێ چەندێ را خەلک ژ هەمیان پتر گللەیان ژ پارتی دکەن، لەوما درێژە کێشانا وێ بارودۆخێ سەخت ب تایبەتی گیرۆبوونا پێکئینانا حوکمەتێ ئەگەرا سەرەکیا هەبوونا گەلەک گرفتایە، کو پێدڤیە ل سەر پارتی ب پلا ئێکێ کو پتر خەمێ ژ ڤێ مەسەلێ بخۆت.
ئەم هەمی دزانین کو بەرهەلستکارێن پارتی چەکەک ب دەستڤە نەمایە شەڕێ پارتی پێ بکەن ب تنێ دشێن د رێکێن راگەهاندنێ ڕا مێشێ بکەنە گامێش و گرفتێن بچویک ل پێشچاڤێن خەلکی مەزن کەن و کێمبوونا ئاڤێ و کەهرەبێ و پارا ..هتد بکەنە سۆچا پارتی و شەڕێ راگەهاندنێ ل دژی پارتی بدومینن.
پارتی هەرجار دبێژیت د سەرکەفتنێ دا هەمی خۆ دکەنە پشکدارێن پارتی بەلێ د ئاریشە و دگرفتان دا کەس خۆ ناکەتە خۆدان و پشکدار لەوما پارتی ئەو شەڕەفا بەرکەفتی کو هەرجار خۆ ب خودانێ چارەسەریان دزانیت و چو جا ژبەر بەپرسیاریەتیێ نە رەڤیە، ئەوا مللەتی دڤێت ئەوە کو پارتی ب دەستێ خزمەتگوزاریێ دەڤێ هەمی نەحەزان بگریت و هندی زوویە چارەسەریان بۆ کێشەین هلاویستی ببینیت٠
