گه‌شتیارێن بیانی بازارێ به‌رهه‌مێن نافخۆیی ل كوردستانێ گه‌رمكریه
ئه‌ڤرۆ، ره‌مه‌زان زه‌كه‌ریا:
سالانه و ل هه‌ر چار وه‌رزان رێژه‌كا باش یا گه‌شتیاران سه‌ردانا هه‌رێما كوردستانێ دكه‌ن، كوردستان ژی یا ده‌وڵه‌مه‌نده ب چه‌ندین به‌رهه‌مێن نافخۆیی كو ئه‌ڤ به‌رهه‌مه سه‌رنجا گه‌شتیارا رادكێشن. فرۆشیار ژی دبێژن گه‌شتیارێن بیانی پتر ژ یێن نافخۆیی به‌رهه‌مێن خۆمالی دكڕن.
سه‌عه‌د عه‌لا، گه‌شتیاره‌كێ عه‌ره‌به و بۆ ئه‌ڤرۆ گۆت: سالانه چه‌ندین جارا سه‌ره‌دانا كوردستانێ دكه‌ین ب خێزان ڤه ل پرانیا پارێزگه‌هێن كوردستانێ دگه‌رن، ژبلی كه‌ش و هه‌وایێ خوشێ كوردستانێ ئه‌م گه‌له‌ك كه‌ره‌سته‌یێن خوارنێ دكرین یێن هشك و یێن ته‌ر گه‌له‌ك جاران بۆ كرینا كه‌ره‌سته‌یێن خوارنێ تایبه‌ت یێن زڤستانێ ئه‌م سه‌ره‌دانا كوردستانێ دكه‌ین و پشكا دوو هه‌یڤا دكرین ئه‌و به‌رهه‌مێ ئه‌م ل كوردستانێ دكرین ل پارێزگه‌هێن عیراقێ ب ساناهی ب ده‌ست مه‌ناكه‌ڤیت، له‌ورا هه‌ر جار ئه‌م سه‌ردانا كوردستانێ دكه‌ین.
دلدار خورشید، فرۆشیاره‌كێ به‌رهه‌مێن خۆمالیه بۆ ئه‌ڤرۆ گۆت: گه‌شتیارێن بیانی دوو جاركی پتر ژ گه‌شتیارێن نافخۆیی و وه‌ڵاتیێن هه‌رێمی كه‌ره‌سته‌یێن خوارنێ و هشك دكرن، ئه‌و كه‌ره‌سته‌ێن خوارنێ یێن ئه‌م فرۆشین گویز و باهیڤ و هنگڤین و شه‌پرمان و هژیرێن هشك كری و كه‌زان و گوشمه‌و به‌روو و مێوژ و چه‌ندین به‌رهه‌مێن دی گه‌شتیارێن بیانی گه‌له‌ك حه‌ش كه‌ره‌سته‌یێن نافخۆیی یێن كوردستانێ دكه‌ن.
گۆت ژی: بازارێ كه‌ره‌سته‌یێن خوارنا هشك كری و مه‌تایێ نافخۆیێ هه‌ر چوار وه‌رزێن سالێ هه‌یه و ده‌مێ 9 سالایه ئه‌ز كه‌ره‌سته‌یێن خوارنێ دفرۆشم به‌رده‌وام ل هه‌ر چوار وه‌رزێن ساڵی خواست لسه‌ر بازاری هه‌یه بهایێ وان ژی ئه‌زرانه، له‌ورا گه‌شتیار پتر دكر ره‌نگه وه‌ڵاتیێن هه‌رێمێ پتریا به‌رهه‌ما ل ماڵ هه‌بن، له‌ورا كێمتر دكرن به‌لێ گه‌شتیارێن بیانی ئه‌ڤ به‌رهه‌مه نینه زێده‌تر دكڕن.
