گه‌له‌ك هه‌ڤژین پشتی هه‌ڤژینیێ ژ ئێك بێزار دبن
دهۆك، هه‌یفا دۆسكی:
هنده‌ك هه‌ڤژین دبێژن كو ئێدی مه حه‌ز ل سه‌ر ئێك نه‌مایه به‌لكو مه دڤێت ژ ئێك دوور بكه‌ڤین و ئێدی مه زه‌وق و ڤیان و خوشی مه یا ژ ده‌ستدایی. ، شاره‌زایێ جڤاكی ئه‌گه‌ر بو نه گرنگی دان و پشتگۆه هاڤێتنا ئێك و دیسا بنیاتێ پێكئینانا هه‌ڤژینیێ ده‌مێ ل سه‌ر بنه‌مایێ باوه‌ری و حه‌زژێكرن و ڤیان و رێزگرتنێ نه‌بیت ئه‌و هه‌ڤژین و خێزان زوو پرت و به‌لاڤه دبن.
نه‌ورۆز، دوو ساله هه‌ڤژینی پێك ئینایی وه‌سا ئاماژه دكه‌ت كو ئه‌و دگه‌ل هه‌ڤژینا خوه وه‌كو كه‌سه‌كێ بێزار ره‌فتارێ دكه‌ت و گازنده ژ هندێ ژی هه‌بوو ده‌ستپێكێ ئه‌م ژ تێكه‌لی و ڤیانا ئێك تێر نه‌بووین به‌لێ ئه‌م گه‌له‌ك ب شێوه‌كێ سار هه‌ڤژینیێ دبه‌ینه سه‌ر، ژبه‌ر بتنێ وه‌كو رۆتین هه‌ڤژینین و ئه‌ڤه ژی ئه‌م چ خوشیێ ژ ئێك ناوه‌رگرین چونكی حه‌زژێكرنا مه ژی وه‌كو دوو كه‌سێن بیانی لێ هاتیه.
س،ع/ ژنه و حه‌فت هه‌یڤه هه‌ڤژینی پێك ئینایی به‌حسا هندێ كر كو ئه‌و گه‌له‌ك یاب دوو گیانیا خوه‌ڤه گرێدایه و ئاگه‌ه ژ هه‌ڤژینێ خوه نینه: گۆت ژی كو ئه‌گه‌ر نه مه‌هبیرانێن ئه‌ڤێن ژنێن ب دوو گیان دبه‌ن، به‌لكو ده‌ستپێكێ مه عه‌شقه‌كا مه‌زن بو ئێك هه‌بو لێ پشتی گه‌هشتینه ئێك ئه‌م یێن توشی دل ره‌شیێ بووین و هه‌ڤژینێ من ژی گه‌له‌ك یێ ژ من رازی نینه و دبێژیت هه‌ر ئه‌و زارو یێ منه، به‌لێ ئه‌گه‌رێ ڤێ دزڤرینم چونكی بتنێ مه دڤیا سكسی بكه‌ین، ئانكو پشتی بوینه خێزاندار ژیان ئه‌و بتنێ نینه و پیروزیێن خێزانێ و په‌رنسیپێن ئاڤاكرنا خێزانێ تشته‌كێ دی یه، له‌ورا ئێدی ئه‌م دچارچوڤه‌كێ گشتی دا ره‌فتارێ دكه‌ین، ئه‌ڤه زیانه‌كا مه‌زن ئێخستیه مه و دبێژم هه‌ڤژینی پێدڤی خوشكرنێ دهه‌ر قوناغ و بیاڤه‌كی دا ئه‌م ژی دشاره‌زا نینین،له‌ورا خێزانا من یا به‌ره‌ڤ هه‌رفتنێ ڤه دچیت و ره‌وشا په‌یوه‌ندیا مه یا خێزانی گه‌له‌ك یا لاواز دبیت.
هه‌ر ل دوور بابه‌تی دئاوایه‌كێ دی دا به‌هیجا ره‌شید ب سالێن درێژ كار دناڤ خێزانان دا كریه و شاره‌زایا جڤاكی یه دبێژیت: جارێ پێكئینانا خێزانێ نه كاره‌كێ بسانه‌هی یه وه‌كو هزر دكه‌ن بتنێ خوشیا سكسی و ده‌م بوراندنه، به‌لێ به‌رپرساتیا خێزانێ و ئینانا زارویا و رێك و پێكیا په‌یوه‌ندیێن خێزانێ دگه‌ل ده‌وروبه‌را بابه‌ته‌كێ دیه، ژبه‌ر هندێ ده‌مێ ئه‌و هه‌ڤژینێن ل سه‌ر بنیاتێ بتنێ غه‌ریزه‌یی بن زوو ژ هه‌ڤ سار دبن و ژ ئێك تێر دبن هه‌تا جاران ئه‌و ژ نڤینا ئێك تێر دبن و ئه‌ڤ چه‌نده كاریگه‌ری دكه‌ته سه‌ر حه‌زژێكرن و گرێدانا وان پێكڤه، ئانكو پتر دڤێن سرۆشتی ره‌فتارێ بكه‌ن و گه‌له‌ك ب ئێك ڤه دگرێدایی نینن و ئه‌ڤه هوسا هه‌تا چ تامی ژانا خوه یا هه‌ڤژینی نابینن و هه‌تا ژی ره‌فتار كرنا وان یا زڤره و زوو ژ ئێك توره دبن و كاریگه‌ری دبیته سه‌ر ژیانا وان ب گشتی، ئه‌ڤه ژلایه‌كێ دیڤه ژی كارتێكرنێن ده‌روونی ژی په‌یدا دبن و نمونه دڤێن ژ ئێك جودا ببن و هه‌تا دنڤینا ئێك دا بو وان مه‌ره‌ق نینه پێكڤه بنڤن، لێ جاران هه‌ڤژین پێدڤی سیاسه‌تكرنێ كو ده‌ربرینا حه‌زژێكرنێ و ڤیانێ و گۆتنا په‌یڤێن رۆمانسی و عه‌شقی بو هه‌ڤژینیێ گرنگه داكو بیته كه‌لتوره‌كێ ئاڤا كه‌ر ل ده‌ڤ وان.
یا گرنگه ژی ل داویێ بێژین ئه‌م پێدڤی خێزانه‌كا ئێكگرتی نه و ئه‌ڤه دێ په‌یدا بیت ده‌مێ هه‌ڤژین پێكڤه دلخوش و به‌خته‌وه‌ر بن.
