گهلو كورد ڤێ جارێ دێ وانهیهكێ وهرگرن؟؟
ب دژاتیكرنا ههڤدوو و ل ههڤ نههاتنێ و دژبهریێ و ركابهریێ ب دههان فرسهند كوردان ژ دهست داینه و ئهڤ دژبهریه خالا ههری لاوازا گهلێ كورده، دوژمنێ وانژی ئهڤ خاله قوَستینه و بكار ئانینه، و براستیژی د ئهڤێ پروسێسێ دا گهلهك سهركهفتیبوونه چنكو د كوَكا خوه دا رهوشا پهیوهندیێن كوردی كوردی بێ هێزه و زمانێ دیالوَكێ و گفتوگوێ بێ هێز و سست بویه دیروَك ژی باشترین و راستگوترین دیدهڤانه و ب مخابنیڤه ئهڤ رهوشه یهكبوو ژ سهخلهتێن دیارێن تهڤگهرا ئازادیخوازا كوردستانێ ب درێژاهیا دیروَكا ڤێ تهڤگهرێ و ئهز دكارم بێژم بهری تهڤگهرا ئازادیخوازا كوردسنانێ و شوَڕهشَین ههڤچهرخ ههبن ژی كورتیا وێ د دیروكێدا روژهكێ كورد یهكگرتی نهبوویه باشترین گروڤێ نه یهكگرتنا كوردان و پرت و بهلاڤبوون و ل ههڤ نههاتنا وان ههلبهستا ههلبهستڤانێ مهزنێ كورد حهزرهتێ خانی یه كوبهری نیزیكی 500 سالانه گازی ل كوردان كریه كو ههڤ بگرن یهك دل و یهك دهست بن وئهگهر كورد یهك بگرن و یهك دهست بن ترك و عهرهب و عهجهم وێ خولامهتیا وان بكن. كهواته بهری پێنجسهد سالانژی پرێزا كوردان ئهڤ پرێزا شهپرزه بوویه وهكو دورهێلێ ئهم تێده تهحل بوویه و ئهگهر د دیروَكا كهڤنار احهزرهتێَ خانی گازیا یهكگرتنێ ل كوردان كربت، د دیروَكا ههڤچهرخ دا جهگهرخوینی گوتیه كوردان: ئهگهر هون خوه نهكن یهك، هونێ ههڕن یهك ب یهك؛ لێ تشتێ ههری گران و نهجهێ قبوولێ ژبوَ تاكێ كورد ئهوه دهما داخوازا ههڤگرتنێ لێ تێته كرن چنكو دهملدهست ئهو هزر تێته مێشكێ وی ئهرێ ئهگهر ئهم بوونه یهك پاكی وێ مهزن و رێبهرێ مهبه ؟ ما كی ژمن فهر تره؟ ب دیتنا من هندی بیر كرن بڤی رهنگی بیت پرێزه ژی دێ هوسا كلێس بت. تشتێ ههری ئنتیكه د ڤی بابهتی دا ئهوه ههردهما كوردان هنك وهرار بخوهڤه دیتی یه یان ل دروستكرنا كیانهكێ نێزیك بوون دوژمنێن وان یێن ژ گهلێ جودا جودا و دوژمنێن سهرسهختێن ههڤ ل سهر پرسا كوردی یهك دگرن و كورد ژی ههڤگرتنا دوژمنان ل ههمبهر وان ژ خوهره ناكنه وانه و گروَڤه، داجارێ بوویهرێن بووری و دیروَكی بوَ دیروَكێ بهێلین و بێنه سهر دورهێلێ تهحل و كلێس و شهپرزهیێ نها، كو ئهم ل سالا 2016 ێ ده دژین ژخوَلهكا كو سهروَكێ ههرێما كوردستانێ گوتیه ئهم دێ ئیسال ریفراندوَمێ ئهنجامدین ههرسێ دوژمنێن سهر سهختێن كوردان كهتینه بزاڤێ و میتینگ و جڤینێن ل پشت پهردان و راچاندنا تهڤن و پیلانان كادێ چهوا ڤی پروَژهی ژناڤ بن و نه هێلن روَناهیێ ب بینت و خهونا گهلێ كورد دیسان بهێته سهربڕین و سهرژێكرن ئهڤ پیلان و تهڤنه ژ ئالیێ دوژمنێن كوردانڤه دژوارتر لێ هاتن و پتر ل ههڤ نێزیك بوون دهما قیدرالی ل روَژئاڤایێ كوردستانێ هاتیه راگههاندن سهرهدانێن دوژمنێن ل سهر دوزا كوردی ههڤ ههلویست و ههڤ دیتن زێدهتر بوون و پتر ل ههڤ نێزیك بوون، ئوسمانلی و صهفهویێن دوژمنێن دیروَكیێن ههڤ ل ئهنقهره را گههاندن كو ئهو ههڤ دیتن و ههڤڕانه و نهوهكرینه سهرئێشهكا دن مینا سهرئێشا بوَ وان ژ ههرێما باشورێ كوردستانێ پهیدابووی روو بدهت. گهر گهایه وێ یهكێ ل سهر فیدرالیا روَژئاڤا ئوَپوَزسیوَن و رژێما ئهسهدی ههڤرَا و دیتن و بوَچوونێن وان مینا ههڤ بوون و تشتێ ل ڤێره سهیر و ئهنتیكه ئهوه قاسی كو دوژمنێن كوردان ژبوَ راچاندا تهڤنان ل ئوَدێن تاری و پشت پهردان ل ههڤ نێزیك دبن وی قاسی ئالیێن كوردی ژ ههڤ دوور دكهڤن و ل دژی ههڤ ل ڤان دوژمنان نێزیك دبن و پیلانان بوَ ژناڤبرنا ههڤدوو دادرێژن. باوهرناكم و من ب خوه نهدیتیه و نهژی گوه لێ بوویه كو نهتهوهیهك ب ئهڤی رهنگی ههبت و ههتا ئهڤێ رادێ دوژمنێ سهرێ خوهبت و ئهوقاس كیندارێ ههڤدوو بن و ئهوقاسی د خزمهتا دوژمنێ خوه دا بن. ل ههموو وهلاتان و ل ههموو جیهانێ د بابهتێن سیاسی دا گروَپ و ئالیێن سیاسی دیتنێن جودا ههنه و ركابهرییێ ژی دكن لێ دهما بابهت دبت چارهنڤێسا گهلێ وان ههموو ئارێشێن خوه یێن ناڤخوهیی ددنه ئالیهكێ و دبنه یهك هێز و یهك دیتن ل ههمبهر مهترسیا ل سهر گهل و وهلاتێ وان. تشتێ ئهز دخوازم بێژم دڤێت رایهدار و سیاسهتمهدارێن كوردان ل ههر دهرهكێ بزانن دوژمنێن وان یێن ب شارهزای ل سهر وان و ژناڤبرنا وان كار دكن و هیچ جارهكێژی وهكو ئیروَ ل ههڤ نێزیك نهبینه چنكو ئهو باش دزانن سنوورێن روَژههلاتا ناڤین ب ئهڤی رهنگێ نها نامینن سیاكس پیكوا كوردستان كریه 4 پارچه ب دووماهیك هاتیه و پارچهبوونا عێراقێ و سووریا دیفاكتوَیهكه، بخوازن نهخوازن یا دن سهرهرای قهیرانا ههرێم تێدا و ژیهك دووركهتنا ئالیێن سیاسی لێ نابت ئهڤ دهرفهتێ نێڤدهولهتی یێ هاتیه روَخسان بهێته ژ دهستدان؛ دڤێت ههموو ئالی كوَك بن ل سهر ئهنجامدانا ڤێ راپرسیا چاره نڤیسساز ئهوا جهنابێ مهسعود بارزانی سهرۆكێ ههرێما كوردستانێ راگههاندی و پشتهڤانیێ لێ بكهن.
