گه‌نجه‌كێ دهۆكێ ل به‌ره رۆبۆته‌كی چێكه‌ت
دهۆك، شاكر ئه‌تروشی:
گه‌نجه‌كێ خه‌لكێ دهۆكێ ب ناڤێ (هه‌ڤال عه‌باس حسێن) كو ژیێ وی بیست سالن و نوكه قوتابیه ل قوناغا سێیێ ل ئاماده‌یا پیشه‌سازیا دهۆك/پشكا كاره‌بێ، د دیداره‌كێ دا بۆ رۆژناما ئه‌ڤرۆ دیاركر، به‌ری چه‌ند سالان ب سه‌ركه‌فتیانه وی رۆبۆته‌كێ بچووك چێكربوو، نوكه حه‌ز دكه‌ت رۆبۆته‌كێ مه‌زن چێكه‌ت، لێ ژبه‌ركو قوتابیه و شیانێن پاره‌ی ل به‌رده‌ست نینن، دخوازیت حكومه‌ت یان كۆمپانیه‌ك پشته‌ڤانیا پرۆژێ وی بكه‌ت و پارێ پێدڤی بۆ په‌یدا بكه‌ن.
هه‌ڤالی گۆت: ئه‌و رۆبۆتێ من دڤێت چێكه‌م دێ هاریكاریا خێزانێ ل ناڤمالێ كه‌ت و دێ شێت ده‌ه هه‌تا پازده كیلۆیێن تشتا راكه‌ت و من گه‌له‌ك حه‌زدكر كو ده‌ست ب چێكرنا وی كربا و من باوه‌ری ب شیانێن خوه هه‌یه كو دێ ب سه‌ركه‌ڤم، ب مه‌رجه‌كێ هه‌كه ژلایێ پاره‌ی ڤه هاریكاریا من بهێته كرن.
