گه‌نجه‌كێ ده‌ڤه‌را بارزان تابلویه‌كێ ل سه‌رێ چیایێ هه‌لگورد ددانیت
ئه‌ڤرۆ نیوز، نه‌وزاد هلۆرى:
ب مه‌ره‌ما نیاسین و وه‌رگرتنا پێزانينان ، گه‌نجه‌كێ ده‌ڤه‌را بارزان تابلۆیه‌كێ كو ناڤێ چیای و بلنداهیا چیای ل سه‌ره ، لسه‌رێ چیایێ هه‌لگورد ددانیت.
عه‌لى زوبێر، ئه‌و گه‌نجه بو ئه‌ڤرۆ نیوز گۆت: (چه‌ندین جاران ئه‌ز و هژماره‌كا گه‌شتیاران چووینه سه‌رێ چیایێ هه‌لگورد، به‌لێ ژبه‌ركو چو تابلۆ و پێزانين نینن چو كه‌س نوزانن كا بلنداهیا چیاى چه‌نده، ژبه‌رڤێ وه‌كو ئه‌ركه‌ك نیشتمانى رابووم ب چێكرنا تابلۆیه‌كێ كو ناڤ و بلنداهیا چیایێ هه‌لگورد ل سه‌ره ، و ل سه‌رێ چیایێ هه‌لگورد دانا داكو بۆ هه‌موويان ناڤ و بلنداهى دیار ببیت).
زێده‌تر گۆت: (بلنداهیا چیایێ هه‌لگورد دگه‌هیته سێ هزار و 67 مه‌ترا ،ودكه‌ڤیته ده‌ڤه‌را باله‌كایه‌تى یا سه‌ر ب ناحیا سیده‌كان ل سنورێ قه‌زا چۆمان ، و ئێكه ژ ده‌ڤه‌رێن هه‌رى خوه‌ش د هه‌موو وه‌رزێن سالێ دا و به‌فره‌كا زۆر ل سه‌ر دباریت و سال بۆ سال به‌فر ل سه‌ر دمینیت و د وه‌رزێ هاڤینێ دا ژبه‌ركو پله‌یێن گه‌رمێ ل سه‌ر چیایى دنزمن، هژماره‌كا زۆر یا گه‌شتیار و خه‌لكى سه‌ره‌دانێ بۆ دكه‌ن و وێنان ل گه‌ل دگرن).
ناڤبرى ئێكه ژ ئه‌ندامێن سه‌نته‌رێ بارزان بو ژینگه‌پارێزى و چیاڤانى و گه‌له‌ك حه‌ز و ڤیان بۆ سرۆشت و گه‌شتێن چیاى هه‌یه.
