گه‌نجه‌كێ پارێزگه‌ها دهۆك هه‌یاما چه‌ند رۆژانه یێ به‌رزه‌یه
ئه‌ڤرۆ نیۆز، قائید میرۆ
گه‌نجه‌كێ ناحیا شیلادزێ ئه‌ڤه هه‌یاما چه‌ند رۆژانه ل چیایه‌كێ ده‌ڤه‌را مزیری ژووریا یێ به‌رزه‌یه و ژێده‌ره‌كێ ئاگه‌هدار ژی دبێژیت، گومان هه‌یه ژلایێ په‌كه‌كێ ڤه هاتبیته ده‌سته‌سه‌ركرن.
كه‌سه‌كێ ئاگه‌هدار ژ روودانێ ب ئه‌ڤرۆ نیۆز راگه‌هاند” گه‌نجه‌كێ ئاكنجیێ ناحیا شیلادزێ بناڤێ ئه‌حمه‌د عه‌شقی مزیری، به‌ری چوار رۆژان ل ده‌ڤه‌را مزیری ژووریا دگه‌ل هه‌ڤاله‌كێ خوه ب مه‌ره‌ما چنینا گیایێ بهارێ چوویه چیایێ هۆكل، به‌لێ هه‌تا نوكه چاره‌نڤیسێ وی دیارنینه.
ژێده‌ری گۆتژی” ئه‌حمه‌د چو ئاریشه نه‌بووینه و هه‌ڤالێ وی ڤه‌گه‌ڕیایه، ئه‌ڤه دو رۆژه كه‌س و كارێن وی ل چیاینه، به‌لێ چو ئه‌نجام نینه و گومان دهێته‌كرن ژلایێ چه‌كدارێن په‌كه‌كێ هاتبیته ده‌سته‌سه‌ركرن، ژبه‌ركو تنێ په‌كه‌كه ل ده‌ڤه‌رێ هه‌یه.