گه‌نجه‌كێ 17 سالى هه‌مى قورئان ژبه‌ر كریه
ئاكرێ،بێوارحسێن زێبارى
صادق زه‌كى خه‌لكێ ب قه‌زا ئاكرێ ڤه یه كۆ ژیێ وى دگه‌هیته 17 سالیێ، هه‌مى قورئان ژبه‌ركریه و و دبێژیت: زۆر مرتاح دگه‌ل قۆرئانێ .
د دیداره‌كێ دا بۆ ئه‌ڤرۆ نیوز گوت : ل ده‌سپێكێ سوپاس بۆ خودێ كۆ ئه‌ڤ شیانه و حه‌ز و ئاره‌زو دانه من كۆ بشێم ببم كه‌سه‌ك كۆ قۆرئانێ ژبه‌ر بكه‌م و سوپاسیا ماموستاو كه‌س و كارو بنه‌مالا خوه دكه‌م كو هاریكار بوون دگه‌ل من و هیڤیا من ئه‌وه بشێم تشتى باشتر بكه‌م ل سه‌ر ئایینێ خوه.
ناڤهاتى گوت ژى : ئه‌ز هه‌ر پێنچ نڤێژان ل مزگه‌ڤتێ دكه‌م و پشتى نڤێژى ژى گوهێ خوه ددته قورئانێ هه‌ر ده‌مێ ده‌نگێ قورئانێ دهێت زۆر بێهنا وى به‌رفره‌هتر لێ دهێت.
هه‌روه‌سا ژى هاتیه خه‌لات كرن ژلایێ هنده‌ك كه‌سان و مه‌لا یێن ده‌ڤه‌رێ و سوپاسیا وان ژى كر و بۆ هه‌ر كه‌سێ هاریكار بیت دگه‌ل وى.
