گه‌نج و گه‌شتا مرنێ
ل سالێن 1993 و دووڤدا باش بیرا من دهێت، بێهنا شه‌ڕێ براكوژیی دهات خه‌لك ب كۆم به‌ر ب ئه‌ورۆپا ڤه دچوون وێنه‌ی كوردان ل ناڤ سنۆرێن وه‌لاتین بیانی وه‌ك ئیتالیا و توركیا و یۆنان ببوو جهێ راگه‌هاندنێ بیانی و پتریا وان دبوونه قوربانیا ئاڤی و ڤێ گه‌شتا چو پیڤه‌رێن ئێمناهیی تیدا نه و ئه‌ۆرپا وه‌لێهات هزر بكه‌ت چێ بكه‌ت هه‌تاكو سنۆرێن خوه قاهیم بكه‌ت نه چ هه‌لویستی وه‌ربگریت ل به‌رامبه‌ر باشكرنا ره‌وشا كوردان ل هه‌ریمێ. چنكو ئه‌وان دڤێت ئیمناهیا خوه ژ مه پیست ره‌ش و پرچ ره‌ش و رۆژهه‌لاتیان بپارێزیت هه‌ر چه‌نده ئه‌وان مافێن په‌نابه‌ری ژی دابیته خه‌لكه‌كی، لێ هه‌ر وان دانن بیانی.
ل ڤێرێ پرسیار ئه‌وه بۆچی دیسا شه‌پۆلا گه‌نجان دچن ئه‌ورۆپا؟
ده‌ما كورده‌ك چ ئێزدی بیت یان كریستیانه‌كێ خه‌لكی هه‌رێمێ بیت یان شه‌به‌ك بیت یان سۆرانی یان به‌هدینی بیت هزرا گوهۆرینا جهێ ژیانا خوه دگه‌ت، ئه‌ڤه زه‌نگا مه‌ترسیێ یه بۆ كوردستانێ هه‌كه مرۆڤ په‌نایێ ببه‌ته به‌ر مرنێ ب تنێ هه‌تاكو ده‌ركه‌ڤیت، ئه‌ڤه مه‌ترسیترین هه‌لۆیستێ مرۆڤی یه، چونكو جاران كورد هه‌ر مالوێران بوویه و ره‌ڤیه چوویه چیا، نه‌ڤیا وه‌لاتی بهێلیت و دڤیا مانا خوه بسه‌لمینت د وان چیا را هه‌تا كو نه‌چار نه‌بووی نه‌چوو خوه بده‌ته ده‌ستێ دوژمنان ببه‌ته به‌ر سیبه‌را كه‌مپێن توركیا و ئیرانێ، لێ نه ژ به‌ر كێ و ژبه‌ر چ دچن؟ یا راستی بۆ مانه‌ڤه ل هه‌رێمێ ل ژێر سیبه‌را ئازادیێ و په‌رله‌مانێ هنده‌ك هزركرن پێدڤێت بۆ گه‌نجان ئه‌رێ گه‌نجان دڤێت ڤی وه‌لاتی بهێلین ژبه‌ر نه‌عه‌دالتی تێدایه.
یان هه‌بوونا نه‌عه‌داله‌تی د مووچه و كار و شێوێ ژیانكرنێ دا هه‌یه؟. جاران دوژمنێن كوردان ل ده‌رڤه‌ی سنۆرێن هه‌رێمێ بوون عه‌ره‌ب. تورك ئیران هه‌می دژی هه‌بوونا ڤی گه‌لی وه‌لاتپارێز بوو.
لی نها دوژمنێن كوردان ل ناڤ هه‌رێمێ زۆرترن ژ به‌ر چ و كینه، ده‌ما تو دبینی كورده‌ك مافێ ته بخۆت و دلێ وی ب سه‌روه‌ت و سامانی نه سۆژێت و ب كیف و سیفا خوه گه‌ز و مه‌قسان دده‌ته به‌ر و كه‌س نینه بێژیتێ: بۆچی؟ و كا وه‌ره تو بۆ هنده سامانێ ڤی ملله‌تی د به‌ی؟ دێ دلێ گه‌نجان ب ڤی وه‌لات ئێشیت و چو دی نه‌ڤێن ببینن وه‌لاتێ وان بۆ هنده‌كان بوویه ره‌زه‌ك و هه‌ر ئێك بۆ خوه دبه‌ت, كۆچكرن و سنۆربڕین و مرن ده‌سپێكا ژیانه‌كا تراژیدیه كاره‌سات نه ئه‌وه بۆ چوون و كیڤه دچن كاره‌ساتا ده‌روونی ئه‌وه بۆچی گه‌نج ئه‌و ده‌روونه گه‌هشته وی راده‌ی تۆره‌بوونێ كو مال وه‌لاتێ بهێلیت. دیاره ئه‌من و ئاسایش ب تنێ بۆ مرۆڤی به‌س نینه هه‌تاكو بكه‌ڤیته هارمۆنیه‌ت و ئارامیه‌كا ده‌روونی، ئه‌ڤ گه‌شتین كورد دكه‌ن ب گشتی چ كوردێ رۆژئاڤا بن یان باكۆر یان باشۆر. ئه‌ڤ نابنه گه‌شتیار یان سه‌حكه‌ینێ ئه‌ڤ كه‌سه بۆ حه‌زه‌كا خوه نه‌چوویه خوه بده‌ته سنۆرێن مرنێ. ئه‌و چوویه ل ژیانه‌كێ دگه‌ریێت بهایه‌كێ ئینسانی بده‌نێ نه‌ك ده‌رامه‌تی َ پاره بهایێ مرۆڤی ناپارێزیت، به‌لكو پاراستنا كه‌رامه‌تا مرۆڤی, عه‌داله‌ت و یه‌كسانی دبینن. ئه‌و نه‌یه یه‌كسانی ل ڤی وه‌لاتی په‌رلمانتاره‌ك هه‌شت ملیۆنان وه‌ربگریت و ل به‌ر سپلێتی و ماله‌ك خۆش بیت ئه‌و نه عه‌داله‌تیا پێشمه‌رگه‌ك 500 هزاران وه‌ربگریت و ل به‌ر گه‌رمێ و سه‌رمایێ وی په‌رلمانتاری و من و ته ویێ دی دپارێزیت. وه‌رن هزر بكه‌ین مه كوردان ل هه‌ر چار پارچێن كوردستانێ بۆ ویلایه‌ته‌كا ئێكگرتی یا كوردی نابیت ل شوونا ڤان شه‌رێن بێ واتا ل سه‌ر ده‌ستهه‌لاتێ و كورسیان هه‌تا شه‌ڕی گه‌نده‌لیێ و كورسیان مابیت كۆچكرن دێ هه‌ر هه‌بیت ده‌ما كه‌سه‌ك چ واتا هندێ ناده‌ت ئه‌و وه‌لاتپاریز نینه, یان كوردپه‌روه‌ر نینه، به‌لكو دڤێت كوردبوونا خوه بپارێزیت ده‌مێ مرۆڤ وه‌لاتێ خوه دگوهۆریت ب هزرا من دووماهیك چاریه بۆ قورتالبوونێ ژ ده‌ردێ گه‌نده‌لیی و نه‌بوونا عه‌داله‌تێ، گه‌لی گه‌نجان سه‌فر نه‌كه‌ن به‌لكو هزر بكه‌ن چاوا ڤی وه‌لاتێ بپاریزین ژ دوژمنێن خوه یێ و ده‌ره‌كێ و نه‌بنه رووبوارێن وه‌لاتێن بیانی، به‌لكو وه‌لاتی بپارێزن كار بكه‌ن و داخوازا مافێ خوه بكه‌ن. لێ سه‌فر نه‌كه‌ن بۆ گه‌نده‌لان نه‌هێلن ڤی وه‌لاتێ جوان.
