گهڤێن راگرتنا یانا زاخۆ د خولا ئیراقێ دا هاتیه كرن
ئهڤرۆ، عهلی حاجی
د داخویانیهكێدا ئهندامێ كارگێریا یانا زاخۆ یا وهرزشی دیاركر كو ههكه بابهتێ سكالایێن یاریزانا ل سهر یانا زاخۆ چارهسهر نهبیت دێ ئاریشه بۆ تیما وان د خولا ئیراقێ دا پهیدابیت و داخازا تێكههلچوونێ كریه ژبۆ دووباره ئهڤ بابهته بهێته چارهسهركرن.
زێدهتر هشیار دوبانكی بۆ رۆژناما ئهڤرۆ گوت: هژمارهكا یاریزانێن تیما مه یا تهپا پێی ئهوا پشكدار د خولا ئیراقێ دا سكالا ل سهر یانا زاخۆ ل ئێكهتیا ئاسیا تۆماركرینه كو كۆژمێ وان گههشتیه 500 ملیۆن دیناران، ههتا نوكه بتنێ سكالا یاریزان ئاوس ئیبراهیم د بهرژوهندیا وی دا ئێكلابوویه و دڤێت یانا زاخۆ 28 ملیۆن دیناران بۆ یاریزانی بهرههڤبكهت و یێن دی ماینه ب دووماهی نه هاتینه و مه داخازا دادگهها تێههلچوونێ كریه و نوكه شاندهكێ یانا زاخۆ ل بهغدایه بۆ چارهسهركرنا ڤی بابهتی.
ژلایهكێ دیڤه ناڤهاتی ئهوچهنده ژی نه ڤهشارت ههكه ئهڤ سكالایه بوو یاریزانان بهێنه ئێكلاكرن و ئهم بزاڤێ دكهین یاریزانان رازی بكهین و بگههینه رێكهفتنهكێ لێ بهروڤاژی نه هێته چارهسهركرن دێ كێشه بۆ تیما مه د خولا عیراقێ دا هێنه پێش و گوت: ترسا مه پشتی كارگێریهكا نوو و یانا زاخۆ د گوهۆرینێ دایه دێ یاریزان بنه قۆربان و ب هیڤی نه ئهڤچهنده نه هێته دیتن.
لدووڤ دهنگۆباسێن نێزیك ژ ئێكهتیا تهپا پێی یا ئیراقێ ئهڤرۆ دووماهی ژڤانه بۆ ئێكلاكرنا بابهتێ سكالایێن یاریزانان ل سهر یانێن پشكدار د خولا پلا نایابا ئیراقێ دا.