گواردیولا: سعۆدیێ بازارێ تەپا پێی ب ئێكجاری گوهاڕتیە
راهێنەرێ ئسپانی و یانەیا مانچستەر ستی یا ئنگلتەرایێ پێب گۆاردیۆلایی دیار كر ئەو گرێبەستێن یانەیێن سعۆدیێ د ڤەگۆهاستنێن هاڤینێ دا دگەل چەند یاریزانێن ناڤودەنگ ئیمزاكرین بوو ئەگەر بازار د یارییا تەپا پێی دا بهێتە گوهۆڕتن.
گۆاردیولایی بۆ رۆژنامەیا سەن یا بریتانی گۆت: ل دەستپێكێ گرێبەست دگەل رۆنالدۆیی هاتە كرن، لێ كەسێ ئەو هزر نەدكر دێ ژ نشكەكێ ڤە شۆرەشەكا مەزن یا ئیمزاكرنا گرێبەستان كەن كو بوویە ئەگەر بازارێ تەپا پێی ب ئێكجاری بهێتە گوهۆڕین، ئەو گرێبەستا بۆ ریاز محرزی هاتی مە نەشیا رێگریێ ل یاریزانی بكەین، پێشبینی دكەم پاشەرۆژەكا نێزیك دێ زێدەتر یاریزان بەر ب خولا سعۆدیێ چن لەوما دڤێت یانەیێن ئۆرۆپایێ ئاگەهداربن.
بۆ زانین هەتا نوكە یانەیێن سعۆدیێ 301 ملیۆن یۆرۆ د مێركاتوییا هاڤینێ دا مەزاختینە، پێشبینی دهێتە كرن ئەڤ هژمارە زێدەتر لێبهێت ژبەركو یانەیێن ئیتحاد، نەسر و هیلا بزاڤێن ئینانا چەند یاریزانێن دی یێن ستێر دكەن پشتی هاتنا هەر ئێك ژ یاریزان كریستیانۆ رۆنالدۆ، كەریم بنزێمە، رۆبێرتۆ فێرمینۆ، ریاز محرز، ئێدۆاردۆ مێندی، مارسێلۆ برۆزۆڤێچ و فۆفانا.
