گواردیولا گەفان ل یاریزانا دکەت
ئەڤرۆ نيوز:
راھێنەرێ یانا مانچستەر سیتی یا ئێنگلیزی پیپ گواردیولا گەف ل ھژمارەکا یاریزانێن یانێ کرن کو دێ ژ پێکھاتیێ سەرەکی یێ یانێ ھێنە دوورخستن ھەکە پێگیری ب نەخشەیێ وی یێ یاریکرنێ نەدەن.
زێدەتر د ڤی چارچوڤەی دا روژنامەیا میرور یا ئێنگلیزی ئاشکەراکریە کو گواردیولای گەف ل یاریزانێ ئسپانی داڤێد سێلفای کریە دێ جھێ وی ل گەل یاریزانێن یەدەک بیت و نامینتە ل گەل یاریزانێن سەرەکی ھەکە ئاموژگاریێن وی ژبو دورستکرنا فشارێ لسەر بەرەڤانێن تیمێن مێڤان ب جە نەئینت.
زێدەتر ڤێ روژنامێ ئەو چەندە ژی دیارکریە کو قوربانیێ ئێکێ د ناڤا تیمێ دا ھێرشبەرێ ئەرژەنتینی ئاگوێروبوو ئەوێ ژ پێکھاتیێ سەرەکی ھاتیە دوورخستن پشتی ھەردو یاریێن ھەمبەر ئێڤەرتون و بەرشەلونە، ھەر چەندە ئەف یاریزانە شیابوو کارگێریا یانێ ھان بدەت کو راھێنەرێ بەری نوکە مانشینی ژ کارێ وی دووربێخیت لێ پشتی ھاتنا پیپ گواردیولای ترس د گەل دا نینە و یێ ئازایە بو دوورخستنا ھەر یاریزانەکی و ئارمانجا وی ئەوە کو گوورینێن مەزن د پێکھاتیێ یانێ دا بکەت تایبەت پشتی شەش یاریزان نووکرین ئەوێن دێ ھەڤبەستێن وان ل دووماھیا ڤی وەرزی ب دووماھی ھێن ئەوژی یایا توریە، رابالیتا، کلیشی، باکاری سانیا و ناڤان و گولچی کابابیرو و زێدەتر گواردیولای کارگێریا یانێ ئاگەھدارکربوو کو پێدڤی ب شیانێن جو ھارت نینە ئەوێ ھاتیە ڤەگوھاستن بو تورینو یا ئیتالی و مانجالا بەرەڤانێ ڤالنسیا و ویلفرید بونی ھێرشبەرێ ستوک سیتی و سەمیرە نەسری یاریزانێ ھێلا ناڤینا ئەشبیلیا یا ئسپانی.
