گواردیۆلا: هێشتا ئاستێ ڕاسته‌قینه دیار نه‌بوویه
د داخویانیه‌كا رۆژنامه‌ڤانی دا ڕاهێنه‌رێ ئسپانی و یانه‌یا مانچسته‌ر ستی یا ئنگلته‌رایێ پێب گواردیۆلا كه‌یفخوه‌شیا خوه دیاركر ب سه‌ركه‌فتنا یارییا شه‌ڤا ده‌ربازبووی به‌رانبه‌ر وێست هام یۆنایتد ب چار گۆلان به‌رانبه‌ر گۆله‌كێ ژ چارچووڤه‌یێ یاریێن گه‌ڕا 20ێ.
گواردیۆلایی بۆ تۆرا B.B.C یا بریتانی گۆت: پێخوه‌شحالین ڤه‌گه‌ڕیاینه سه‌ركه‌فتنا، لێ هێشتا ئاستێ ڕاسته‌قینه یێ یاریزانان یێ مایی، ئه‌ڤ ئه‌نجامه دێ بیته هاریكار بۆ به‌رده‌وامی دان ب ئاستێ خوه، مه دو سه‌ركه‌فتنێن باش ل دووڤ ئێك ئیناینه، د مه‌هه‌ك و 15 رۆژێن پێشتر دا نه باشترین ئاست و ئه‌نجام مه ئیناینه، لێ هه‌كه هه‌ڤسه‌نگیه‌كێ دناڤبه‌را هه‌شت سالێن بۆری دا بكه‌ین یا خراب نینه، ئه‌م یێ ل رێزا شه‌شێ و ئارمانجا مه بۆ رێزێن پێشیێ باشتره.
