گوتێرێس: دەم یێ هاتی قەیرانا سووریێ بهێتە چارەسەرکرن
ئەڤرۆ
ئەنتۆنیۆ گوتێرێس سکرتێرێ گشتی یێ نەتەوێن ئێکگرتی راگەهاند، رەوشا سووریێ گەلەک خرابە و پشتی بیڤەلەرزا ڤێ دویماهیێ دەرکەفت پێدڤیا خەلکێ سووریێ ب هاریکاریێن بلەز یێن مرۆڤی هەنە، گەلەک وەلاتێن جیهانێ و دەزگەهێن خێرخوازیێ هاریکاریا خەلکێ سووریێ کرن، ئەو یەک جهێ دلخۆشیێ یە و گۆت: (مە دڤێت د بیاڤێ سیاسی دا ژی هەموو وەلاتێن جیهانێ پێکڤە هاریکاریا سووریێ بکەن، چونکی دەم یێ هاتی قەیرانا سووریێ بهێتە چارەسەرکرن).
ناڤهاتی ئەو یەک ژی دیار کر، ژ بەر شەرێ چەندین سالان رەوشا سووریێ گەلەک خرابە، سووریێ د قەیرانەکا مەزن دایە، پێدڤیا خەلکێ سووریێ ب هاریکاریێن زێدەتر هەیە، وەکو نەتەوێن ئێکگرتی مە دڤێت دەست ب قۆناغەکا نوی بکەین، دڤێت هەموو وەلاتێن جیهانێ ژی هاریکاریا مە بکەن دا ئەم بشێین پێکڤە هاریکاریا سووریێ بکەین، چارەسەرکرنا قەیرانا نها یا سووریێ دێ بیتە ئەگەرێ دەستپێکرنا قۆناغەکا نوی ل وی وەلاتی و دێ کاریگەریەکا باش ل ژیانا خەلکێ سووریێ کەت.
