گولان ب كه‌ڤالان ده‌ربڕینێ ژ هه‌ستێن خوە دكه‌ت
هه‌رهین محه‌مه‌د:
هونه‌رمه‌ندا شێوه‌كار گولان حه‌مزه، ددیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ دبێژیت: پتریا كه‌ڤالێن من ده‌ربرینێ ژ كوچبه‌ریێ دكه‌ن، چونكو بابه‌ته‌كێ گه‌له‌ك یێ گرنگه‌ن له‌ورا گرنگیێ پێ ده‌م چونكو ئه‌م كورد هه‌رده‌م دناڤ ئه‌وان كاودانان دا ده‌رباز دبین و ئه‌ز ژی ب شێوازێ هونه‌ری ده‌ربرینێ ژ هه‌ستێن خوه بكه‌م و شانو مۆزیك ژی دشێن ب شانویان و مۆزیكێ ده‌ربرینێ ژ ئه‌وێ چه‌ندێ بكه‌ن یا ئه‌وان پێ مه‌ره‌م و ئه‌ز ژی وه‌كو شێوه‌كاره‌ك ده‌ربرینێ ژ هه‌ستێن خوه دكه‌م ب رێیا چێكرنا كه‌ڤالان و به‌رامبه‌ری ئه‌وێ كاره‌ساتا ب سه‌رێ ملله‌تێ كورد هاتی و من چ ده‌مێن ده‌ست نیشانكری نینن كو كه‌ڤالی ب دووماهیك بینم و شێوه‌كارژی بخوه نزانیت كا دێ كه‌نگی كه‌ڤالێ وی ب دووماهیك هێت و ده‌مێ شێوه‌كار كاره‌كێ هونه‌ری دكه‌ت دڤێت هزرو هه‌ست و ده‌مێن وی هه‌موو ل سه‌ر ئه‌وی كه‌ڤالی بن و مرۆڤ یێ ئارام بیت هه‌تا كو ئه‌وێ كه‌ڤالی دروست دكه‌ت
گۆلانێ هێشتاژی گۆت: گرنگه هه‌ر شێوه‌كاره‌كی ستایلێ خوه یێ تایبه‌ت هه‌بیتن چونكو ده‌مێ مرۆڤ گه‌له‌ك ستایلێن هونه‌ری دبینت ئێكسه‌ر مرۆڤ دزانیت ئه‌و ستایله یێ كیژ شێوه‌كاری یه و گه‌له‌ك جاران هه‌ڤالێن من وێنه‌یێن كه‌ڤالان بۆ من هنارتینه و گوتیه ئه‌ڤ ستایله وه‌كو ستایلێ ته‌یه، له‌ورا ستایلێ تایبه‌ت ب هونه‌رمه‌ندی ڤه گه‌له‌ك یا گرنگه گۆت: ته‌خه‌كا ژ جڤاكێ نوكه گرنگیێ ب هونه‌ری دده‌ن، یان كه‌ڤالێن خومالی ب مالان ڤه دبینم دهه‌لاویستی نه و دبینم نوكه باشتره و به‌رێ گرنگی ب كه‌ڤال و هونه‌رمه‌ندی نه‌دهاته دان، به‌لێ كه‌ڤالێن گه‌له‌ك هونه‌رمه‌ندان هاتینه فرۆتن و كرین ژلایێ كه‌سانێن جهێن بلند وه‌كو نێچیرڤان بارزانی و گه‌له‌ك جێن وان كه‌ڤالێن گه‌له‌ك هونه‌رمه‌ندان دهه‌لاویستی نه وه‌كو كه‌ڤالێن هونه‌رمه‌ند (خه‌یری ئاده‌م).
زێده‌ترگۆتژی: پشكداری من كریه دپێشانگه‌هێن هونه‌ری دا ل په‌یمانگه‌هێ و نوكه ژی ل كولیژێ و هه‌روه‌سان ل پێانگه‌هێن گه‌له‌ریێ ژی من پشكداری كریه و نوكه ژی مژوولی پێشانگه‌هه‌كا دی مه دێ ل هه‌ولێرێ هێته ڤه‌كرن و بابه‌تێ ئه‌وێ ژی هه‌ر كوچبه‌ریه گۆت: هه‌تا نوكه ئه‌م نه‌گه‌هشتینه ئه‌وی سه‌رده‌می كو بێژینه خه‌لكی كه‌ڤالێ من بهایێ وی ده‌فته‌ره‌كا دولاری یه، یان ب چل پێنجی وه‌ره‌قێن دولاری یه و خه‌لك ژی ب ئه‌ڤێ چه‌ندێ مه‌نده‌هوش دمینت و بیچژن هاتوو چوو ئه‌ڤه كه‌ڤاله‌كه و په‌روكه و داره بۆچی بهایێ گرانه، یان ب هندێ یه و ئه‌و گرنگیێ ناده‌نه هونه‌رمه‌ندی كا ئه‌وی هونه‌رمه‌ندی چه‌ندێ ل سه‌ر ئه‌وی كه‌ڤالی كاركریه.
