گولبژێرەك ژ گۆتنێن نڤیسەرا دانپێدانێ (ئان سێكستون)
سندس سالح سلێڤانەی
«نڤیسەر وەكی جادووگەرانە: هندەك جاران خودان دیتێن ب حیكمەتن لێ چجاران پێ ناژین. ئەڤەیە یا كو نڤیسەران دشبهینیت… تو هزردكەی ئەو تێدگەهێن، لێ پتریا جاران ئەو تنێ بێهۆدەییە.»
«هەستێ خۆش پشتی نڤیسینا هەلبەستەكێ هەتا ژ دەمێ پشتی جووتبوونێ ژی باشترە، واتایا ڤێ چەندێ ژی گەلەكە.»
«هەلبەست ژیانا منە، مورا پۆستێ من یێ تایبەتە، دەستێن منە، لێنانگەها منە، دێمێ منە.»
«دەمێ ئەز دنڤیسم، ئەز دزانم ئەز وی كاری دكەم ئەو كارێ ئەز پێخەمت وی هاتیمە دنیایێ «
«د دەمێن بەری هەلبەستەكێ، دەمێ كو هش ژ سەری تێت، و تو دزانی كو هەلبەست ل جهەكی ڤەشارتیە، تو خۆ ئامادە دكەی. ئەز ل دەوروبەرا دبەزم، هەر وەكی ل مالێ بفڕم، كەیف خۆشییەكا جوانە. هەر وەكی ژ راست ئەز دشێم بفڕم.»
«هەلبەستێ دەستێ من گرت و ئەز ژ شێتبوونێ دویر ئێخستم.»
«تشتێ راست د ناڤ من دا ب پەیڤان دژیت، نە ب واتەیا پەیڤان.»
«خوداوەندی دەنگەكێ قەهوای، نەرم و تژی وەكی بیرایێ هەیە.»
«بەلكو ئەز سەكێش بم … پتریــا هەلبەستڤانان سەكێشن، لێ ژ بەر سەدەمەكێ ئەز حەز ژ باوەرداریێ دكەم، لێ من بخۆ باوەری نینە.»
«هەلبەست، د دوماهیێ دا، نە هشییێ ددۆشیت.»
«ئێش بیردانكەكا كویر دنەخشینیت.»
«هەلبەستێن من بتنێ دهێن دەما ئەز نەشێم پیەڤەكێ ب تنێ بێژم. گۆتنەكە دەرباەری تشتێ نەهێـ وەسفكرن.»
«چاڤێن گیایێ سێپەلی ب زمانان تژی نە.»
«ئەگەر هەلبەست من رزگار نەكەت، ئەز دێ خو بەرزە كەم .»
«دڤێت تو هەلبەستڤان بی،
خانما بەختێ ڕەش
حەزبكەی ببیە ئەوا تو نە ئەو
حەزەك بی ب تنێ بخوازت ببیتە
سەرەدانەك.»
________________
ژ كۆمەلا وێ یا ل ژێر ناڤێ «هاژۆتنا ب زەحمەتا بەلەمێ بەرەڤ خودێ».
