گولێ
بابە محەمەد
ژ سپێدەیەكا نە ژ دل هەلاتی
ژبارانێن زڤستانێ تێرئاڤ
گولێن گەنمی
ژ گەرما هاڤینێ بێزار
من هێش ڤام ژ تە نەكری
تەبەری من دیتبوون ئەو بەژن و بال
تە دل پێڤە گرێدا
كا چەند من ڤیا
بێ پرسیار
چاڤێن تە هزار پەیڤ
د ئێك نیگادا
دگۆتن بۆ من
زەڤیەك تە بەرێخودانێ كر بژار و كێلان
من ژی ناڤدا چاند
بتنێ ئێك گول
ئەو گولا ب ناڤێ تە ناڤكری
گول
و من ت دناڤ
بیبیكێن تیرۆژكێن وێ رۆژا نەژدل هەلاتی
دزی و رەڤاندی
و دناڤ مژویلانكێن
چاڤێن هەیڤێ دا نڤاندی
تو ب تنێ دناڤ گەرماتیا هەمبێزا سینگێ خودا
گڤشاندی و حەواندی
ژ وی دەمی خویا بوو
ئاڤرێنەرێ من و تە
ژ ئەزەلێ
تو یا بۆ من بتنێ ئاڤراندی گول
