گوندەكێ دەڤەرا دینارتێ پتر ژ ٤٠٠ ماتۆرسکلان دناڤ دا هەنە
رەمەزان زەكەریا
ل گوندەكێ ناوچەداریا دینارتە بازارێ ماتۆر و فیتەرێن وان ژ هەموو تشتەكێ دیتر گەرمترە، سالم دەما 11 سالانە دەستێن وی ژ كارێ چێكرنا ماتۆرا دورنەكەفتیە.
عارس ئسماعیل جوتیارەكێ دەڤەرێیە بۆ ئەڤرۆ گۆت: ئەو جهێ ماتۆر دچیتێ ترۆمبێل ناگەهنێ، ئەم ب خۆ ب ماتۆرا دچینە ناڤ ئەرد و بیستانێن خۆ، شولەكا باش ب ماتۆرا دكەین ئەڤە پێنج سالە ئەز ماتۆر سوارم و ئەم ماتۆرێ ل جهێن ئاسێ دهاژوین، بۆ من جادا قێر و ئاخ ب ماتۆرسكلێ وەك ئێكە.
سیروان عەبدولواحید، وەلاتیەكێ دەڤەرێیە بۆ ئەڤرۆ گۆت: پرانیا مالێن گوندێ مە ماتۆر دناڤ دا هەنە، مە ب خوە ل مال دوو ماتۆر هەنە و چ مال نینە ل گوندێ بامشمش ماتۆرەك یان دو دناڤ دا نەبن، ل دووڤ شارەزایا خۆ د هاژوون، دڤێت چەند رۆژەكا ل سەر خۆ پاژوت دا كو شارەزا ببیت.
سالم سالح ، هوستایێ چێكرنا ماتۆرا بۆ ئەڤرۆ گۆت: ماتۆر زێدەتر ژ ترۆمبێلا دهێنە دەڤ مە بۆ چێكرنێ، رۆژانە پتر ژ ٣٠ بۆ ٤٠ ماتۆرا دهێنە دەڤ مە بۆ چێكرنێ، ئەم دخوازین هەموو ماتۆر سوارەك كلاڤ و دەستگورك و سەرچوكان ب داپۆشیت، ژبەركو گەلەك حالەت چێبوینە ب گرانی بریندار بوینە، ژبلی گەنجا دانعەمر ژی ماتۆر سوارن و دچنە ناڤ ئەردێن خۆ یێن سماقێ.
