گوندەکێ ناحیا شێلادزێ ھاتە بوردومانکرن
ئەڤرۆ نیوز، ئێقبال عومەر:
فرۆکێن تورکی ئەڤرو روژا پێنجشەمبی رێکەفتی ۱۳-۹-۲۰۱٨ گوندێ سیدا ل دەڤەرا رێکان، سەر ب ناحیا شێلادزێ ڤە ل سنورێ قەزا ئامێدیێ ھاتە بوردومانکرن.
نەوزاد ئیبراھیم خەلکێ وێ دەڤەرێ یە بو ئەڤرۆنیوز گۆت، ئەڤرو گوندێ سیدا ژلایێ فرۆکێن تورکی ڤە دھێتە بوردومانکرن .
گۆت ژی ، گوندێ سیدا ھەمو باغ و بیستان بون بەلێ مخابن ب تەمامی ھاتیە سوتن زەرەر و زیانەکا مەن گەھشتیە خەلکێ گوندی وە دیسان ب سەدان دارێن بەری و دارێن دێم یێن ئاقاری و یێ ئاڤی و ب سەدان دونەمێن ئەردی ھاتینە سوتن و ھەروەسا مێشێن ھنگڤینی یێن وەلاتیێن ڤێ دەڤەرێ ژی ھاتینە سوتن و ھەروەسا خەلکێ ڤێ دەڤەرێ ئێدی نەشێن سەرەدانا گوندێن خوە بکەن ب مەرەما کارێ چاندنێ ئانکو رەز و بیستانێن وان ھاتینە بەری و ھەمی دێ ب ھەدەر چیت ژبەرکو نەشێن بەرو بومێ رەز و بیستانێن خوە بیننە بازاری و بفروشن وھەروەسا مێشەڤانک نەشێن بچن ھنگڤینێ مێشێن خوە ببرن و ب بەنە ل بازاران بفروشن.
زێدەتر گوت: چەندین کانیێن ئاڤێ ل ڤی گوندی ژ ئەگەرێ توپ و بوردومانا فروکێن سوپایێ تورکیا ھشک بوینە، و ھەروەسا ترس و لەرزەکا مەزن کەتیە د دلێ گەشتیاران دا ھەمی جاردن ڤەگەریانە مالێن خوە و ئەو دڤەر بجی ھێلا ژبەر بوردومانا فروکێن سوپاسێ تورکیا.
گوت ژی ، چو زیانێن گیانی ب وەلاتیێن دەڤەرێ نەکەفتن، بەلێ ئاگر ب پیش وپاوان و دارسانێن گوندێن وێ دەڤەرێ کەفتیە و زیان ژی گەھشتنە رەزێن وەلاتیێن وێ دەڤەرێ.
