گونۆلێ كلیپەكا نوو بەلاڤكر
زنار تۆڤی
خانما سترانبێژ(گۆنول دیلان) كو خەلكا باژێرێ ئامەدێ یە، ل باكورێ كوردستانێ، د دیدارەكێ دا بۆ رۆژنامەیا ئەڤرۆ دیار كر كو ل چەند رۆژێن بۆری، وێ ڤیدیۆ كلیپەكا نوو ب ناڤێ ( ئای دلبەرێ) بەلاڤكر، ئەو ستران یا هونەرمەند ئارام تیگرامە، وێ ب رەنگەكێ نوو گۆتیە و كلیپكریە.
هەروەسا گۆت: ئەز بەردەوام دچمە ئاهەنگ و كۆنسێرتان ل باژێرێن كوردستانێ، هەروەسا ل دەرڤەیی وەلاتی و وەكو ئەكتەر من پشكداری د فلمێ سینەمایی(ژیانا ئاشق فەیسەلی) دا كریە، كو ئەز رۆلێ سەرەكی دگێڕم و بەری نوكە ژی من پشكداری د هژمارەكا درامایان دا كریە و من دڤێت ب رێیا سترانگۆتنێ و درامایێ خزمەتا هونەری بكەم، چنكو ئەز گەلەك حەزژ ستراگۆتنێ و كارێ ئەكتەریێ دكەم.
گۆنول دیلان، ل سالا (1991) ێ، ل باژێرێ ئامەدێ ل باكورێ كوردستانێ ژ دایكبوویە، هەتا نوكە هژمارەكا ڤیدیۆ كلیپ و سترانێن سینگل بەلاڤكرینە، زێدەباری هژمارەكا كارێن سینەمایی و درامایێ.
